#NSS個人
[Guest] 純呻 好多廢話 唔想睇可以轆走先
年齡唔爆 中學 女
中一二嗰陣因為自己性格問題同屋企原因，對人態度好差，冇咩朋友，去到真係搞清楚自己係有咩問題同痴咗邊條筋嘅時候，身邊嘅人已經離開得七七八八。（雖然之後同啲同學都冇乜嘢，但可能係我自己多情/冇安全感，所以成日覺得人地唔鍾意我）但因為本身同屋企人關係唔好，自己又反叛，所以好容易同佢哋嘈，令到我好想得到朋友嘅認同。
.
一兩年前同個同班嘅女仔熟咗，嗰陣基本上真係當佢水泡咁攬，同埋好驚佢離開我，但嗰陣又係衰在把口，講左啲唔太好聽嘅說話，佢就開始疏遠我，等我反省返自己做錯啲咩嘅時候，已經再冇朋友喺我身邊，嗰種感覺真係少難受，因為喺學校冇朋友之餘，返到屋企仲要比阿媽串我冇frd，冇人認同我/明白我。
.
去到最近雖然識咗好多出面嘅朋友，佢地都好好，但始終都填補唔到我喺學校嘅空虛感，可能係我太貪心？我都唔知，但我真係好倚賴朋友呢樣嘢，冇左好似會死咁，因為冇人聽我分享，亦都冇人會向我分享，所以當朋友同我傾計嘅時候，我都會極盡力咁give佢地，表現出自己對佢哋嘅重視同埋做一個好嘅聆聽者，希望佢哋繼續留喺我身邊。
.
真係好驚失去而家嘅朋友，好驚失去呢啲關係，諗起都想喊，想喺到問大家我咁樣係咪好唔正常？同埋可以點樣調整心態？
.
麻煩admin post ig 唔該哂