#NSS家庭
[GUEST] 是咁的,小妹有個friend 隻狗仔死咗 佢就好唔開心,我就日日都陪佢傾電話安慰佢。我都有同佢隻狗玩過所以我都好唔開心。
有一日我阿媽就閙我：點解日日都傾電話,用呢啲時間擺喺學業上面你一早考咗全級第一啦。(我日日都有準時做晒功課溫曬書 先陪佢傾電話)我就解釋返因為我個friend隻狗死咗我就安慰佢。 點知佢竟然話 人哋隻狗死咗關你咩事，使唔使日日都傾 死咗咪買多隻囉。我聽到呢句之後真係勁唔開心。冇諗過我阿媽竟然係啲咁嘅人。我喺IG上面見到人哋虐待動物 都超嬲 我好驚佢會成為啲咁嘅人。
最慘就係我阿爸返到屋企我阿媽就同佢講返今日嘅事。我阿爸就捉咗我入房鬧，問點解要駁嘴，我解釋返因為佢冷血 點知佢竟然同我講，其實我同你阿媽嘅感覺係一樣 ，人哋隻狗死咗 ，買多隻咪搞掂。我真係三觀崩壞。 我問佢如果你朋友個女死咗你會點。 佢就話 。死咗咪同佢講兩句安慰下跟住就完囉。我唔會唔開心。呢個係人哋屋企嘅事。
而家我嘅三觀完全崩壞晒 好想逃離呢一個咁冷血嘅家庭 我都好驚我會變成同佢哋一模一樣嘅人。好驚佢哋有一日會虐待動物，我可以點做 ，可以點樣改變佢哋。
如有錯字敬請原諒🙇🏻♀️
Sor for 1999🙇🏻♀️