#NSS個人
[GUEST ] 本人有個問題好困擾，其實出街食飯夠竟應該睇(價錢)先定睇(餐廳環境同食物質素)先…
我個人唔係咁鍾意去啲環境唔太好嘅餐廳，因為我會覺得好唔舒服，全身好似好唔自在咁。同埋環境唔太好嘅餐廳通常食物質素都麻麻，我食完之後個肚有時會好唔舒服，所以我淨係鍾意去啲高級餐廳食飯，或者總之環境同食物質素好嘅餐廳就得，咁樣成個氣氛都會令我覺得開心、舒服、自然、浪漫好多。
但係想食到好西付出嘅代價當然越高，錢唔係問題，問題只係在於有冇錢，所以如果我個荷包容許嘅話…我一定會去啲食物質素同環境好嘅餐廳食飯。不過長遠嚟講咁樣又會好嘥錢，屋企本身都已經唔係好有錢，咁搞法遲早變窮撚。
如果我睇價錢先，雖然平但又食得好唔舒服；如果我睇質素先，雖然食得舒服但又貴。其實我好想儲錢，唔想浪費咁多錢喺食上面，但係又想食得開心結果控制唔到自己就不斷洗錢，到依家都冇乜點儲過錢。
夠竟我應該點揀，睇價錢先定睇質素先？你哋又會點揀？希望有人可以真心幫幫忙，畀啲建議咁😢🙏🏻不喜勿插：）