#NSS愛情
[九龍城區學校] 師生戀單戀
純粹分享我對佢嘅感覺
我係一個form4嘅女仔
喺學校一直鍾意咗一個阿Sir
佢啱啱畢業 20歲出頭
由中三嗰年開始我就開始認識到佢
由F3開學禮 我就從茫茫人海中見到佢
一眼就已經鍾意咗佢
可能呢啲就係一見鍾情啦
到咗開學第二日
老師派上堂時間表俾我哋
我發覺佢係教我中文嘅阿Sir
我個刻真係好開心
轉眼間就到咗第一堂中文
我開頭都扮演左一個壞學生吸引佢注意
因為我上堂好曳
佢叫我落堂去搵佢
佢叫我搵佢嗰一刻
我真係好興奮
好成功咁吸引佢喺頭幾堂注意我
至少知道有我嘅存在
落嚟嘅日子我就慢慢變返一個乖學生
佢亦都有不斷讚我
到咗某一日
因為我要參加一啲活動
於是喺學校留到好夜
我知佢未放工
於是我就搵佢
順利地就攞到佢電話仲同佢一齊影相
之後就間唔中搵佢傾吓計
佢話我好留意佢
佢之前副眼鏡同我一樣
但我之後換咗
點知佢又換到同我一樣
由於我係落嚟嘅日子我大特變
變得好專心上堂
課後又會不停搵機會同佢傾偈
又扮唔見工作紙等佢搵返我
我哋嘅關係終於由師生變成朋友
點知考完試就到新年假
之後武漢肺炎停課
成個form3下學期就冇咗
到咗復課嘅時候
我以為我哋嘅關係已經疏遠咗
點知復課嘅第二日我嚟搵你
我哋嘅關係同以前一樣咁傾得
時間一去就去到form4
今年我有啲失望
因為你冇教我嗰班中文
以前可以日日見到你
而家都唔知搵咩藉口嚟搵你
我好鍾意上你嘅中文堂
你風趣幽默
教書又生動
每一次上你嘅堂我都特別專心
到咗今年我哋雖然都有傾有講有玩
但係已經冇以前見得咁密
我真係好鍾意你
好懷念中三嗰年考試放學
可以日日搵你吹水一個鐘
到咗今年我知道你成日都好忙
又要搞File又好多工作
我有時返學只係想見你一面
但係我今年已經唔知再用咩藉口嚟搵你
最後我只想同你講
我真係好鍾意你
即使唔可以同你喺埋一齊
我都想有個機會可以親近下你
至我心愛的中文老師