#NSS家庭
[想離開嘅普通人] 感情羈絆
由全部嘅愛 慢慢日復日咁磨蝕呑噬
童年嘅世界入面 佢就我嘅全部 我亦係佢嘅全部
傳統嘅觀念 婚姻嘅失敗 冇仔得我呢個女 文盲冇學識揾唔到工
我睇到佢嘅辛苦難處堪坷
都係為咗我哋而出現而存在
所以我更加唔敢怠慢
我希望盡力愛佢彌補佢人生所有嘅不公同際遇缺陷
細個嘅我真係好愛佢 我嘅世界得佢一個
每一次諗到佢嘅遭遇我就冇辦法唔去代入佢嘅心酸
好想去彌補呢一切
直至到我大個 開始有個人思想有諗法有圈子
唔再圍住佢轉 佢開始各種約束我禁錮我框死我
開頭默默承受 到後來接受唔到自己同世界嘅差別
開始反抗 一直反抗 但內疚慚愧不忍不停日日夜夜咁折磨
佢嘅世界只有我哋 而佢嘅世界開始唔跟隨佢
佢亦開始加大佢嘅約束
一次又一次咁難受失望不憤無能為力
少少又少少咁磨走我所有嘅愛同耐心
從前我會包容佢嘅所有
只要佢鍾意我就鍾意
從來唔敢講想要啲咩需要啲咩
每次用錢喺我身上 我就會覺得好愧疚
直到所有愛殆盡
冇辦法再用愛去包容佢唔合理嘅行為
而我亦都喪失咗愛仼何人嘅能力
對於佢開始反感厭惡無視甚至想心理上傷害佢作為報復
然而我依然冇辦法去抹走佢嘅付出佢嘅堪坷
佢嘅付出都係因為我嘅存在 一直都係
我冇辦法用憎恨對待佢 去宣洩我嘅厭惡 而我亦唔再愛佢 冇能力去包容佢仼何一點嘅小行為
直至後來多年嘅生活令佢情緒出現問題
變本加厲嘅精神束縛
需要我更多嘅耐心
但我一早已經扭唔出一滴嘅愛同耐心
我不停叫自己包容一個病人然而生活比我嘅壓力社會比我嘅壓力仲有佢對我嘅情感需求
我 已經冇仼何愛可以再燃燒
消耗嘅只係我對未來嘅期望同做人嘅勇氣
我知道呢種情感束縛會持續到永遠直到我生命結束
因為我永遠唔可以忘記佢嘅付出
由愛變成責任 我今年啱啱19 考到入三大 但依然對未來感到沉重
仲有無數個夜晚要渡過
每一日見到secret有人想自殺
我唔敢死 佢嘅付出令我必需要償還 我清楚我存在嘅原因同責任
佢嘅精神病亦等緊我賺錢去醫治緩和
我唔敢想像如果有一日我離開咗
佢喺香港呢個食人地方了無依靠 隻身前行白頭人送黑頭人
佢可能下一刻就會精神崩潰然後唔人唔鬼
我冇辦法唔理佢 我亦冇能力再愛佢 呢種情感會跟住我一世
但我 好似已經就嚟壓唔住
我好攰 但唔敢離開