#NSS家庭
[GUEST] 是咁的，我今年18歲。我真係頂阿媽唔多順。佢平時超煩，成日煩我關於瞓覺嘅嘢，一見我晏瞓就囉囉嗦嗦。大佬呀，人哋已經成年人，有自己嘅獨立思考能力；人哋鍾意做乜就做乜啦，又唔係犯法嘢。我夜瞓又冇影響到人，喺民主自由嘅社會只要係唔對他人造成太大嘅負面影響就乜都做得，我阿媽好明顯唔知乜嘢叫自由意志。最弊我阿媽有d壞習慣係影響到其他人而佢唔肯改，例如佢10次有9次都唔蓋上廁板就沖廁，而全屋企人嘅毛巾就掛喺馬桶上面。大佬呀d馬桶污水會濺到周圍都係，我叫佢改都唔肯改，又或者改咗一排又「重施故技」。自己d壞習慣而且仲要影響到人都唔肯改，憑乜要人哋改影響唔到人嘅習慣。
最激氣係今日(投稿日)我凌晨3點未瞓(溫書)，佢唔單止話我，仲鬧我「廢物」。我而家殺人放火、姦淫擄掠咩？洗唔洗咁樣人身攻擊？佢成日話夜瞓對身體唔好，早瞓好重要。我鬧我「廢物」之後回應佢「我而家做壞事呀？咁樣鬧人。」佢竟然話：「仲衰過做壞事。」佢呢個回應真係令我摸不著頭腦，我知佢視早睡早起係一件好重要嘅事。我亦認同早睡早起係好事。又不過就係早睡早起點好點重要法，夜瞓最多對自己嘅身體唔好，咁呢樣亦都係我嘅事，由我自己負責。又唔係傷天害理，又冇傷害到其他人(包括阿媽)。點樣仲衰過做壞事？按佢嘅邏輯，即係早睡早起嘅強姦犯殺人犯仲好過拯救別人生命嘅夜貓子(純粹比喻)。佢呢種邏輯真係令我大開眼界。
順帶一提，我阿媽係大陸新移民，深藍。佢除外囉嗦之外，仲成日唔瞭解事件就大發謬論。例如佢話反送中運動嘅示威者同民主派人士係搞亂香港同中國嘅「曱甴」、「漢奸」，令到美國佬得益。其實佢根本完全唔理解反送中運動，唔知道示威者同民主派人士出嚟抗議嘅真正原因；成日妄想人哋收咗美國錢做漢奸搞亂香港。由我阿媽呢個例子可以睇到藍絲係冇腦同權威性人格。