#NSS學校
[某東區男校] 某東區男校姓嚴老師，由開學到而家，上中文堂連書都唔開，每日中文堂40分鐘，佢就吹水吹足40分鐘。唔吹水嘅時候以為佢會肯開書啦，點會佢一打開ppt就show曬所有答案，叫我哋抄曬佢就當教咗。跟著一打落堂鐘佢就即刻衝出班房(btw 佢上年被人燉冬菇，由科主任降咗職做普通中文老師)。冇辦法之下我哋唯有自習啦，咁有問題嘅情況下，我哋都試過去pm佢，佢竟然講「如非必要不用群組傳透訊息，最好課堂提問，以免口耳誤傳」。你估我哋唔想上堂問？一係佢就唔理，繼續吹水。一係佢就話返你轉頭，話你上堂唔專心聽書，跟著佢又可以講講吓離曬題。
我哋都有試過同校方反映，學校同我哋講，叫我哋繼續搜集佢上堂唔教書嘅證據，就因為咁所以就比學校拖拖吓拖到final term都未可以轉走個垃圾中文老師。我都唔知我哋仲有啲咩可以做了。