#NSS社會
[[ GUEST ]] 大家好，我宜家喺香港讀緊大學year one，嚟緊會quit U，暑假會同父母一齊移民英國。 老實講， 雖然我贊同父母移民嘅呢個決定， 亦好感恩自己有得移民，但唔知點解，現時嘅心情真係非常沉重。 香港，係我成長咗18年嘅地方， 所以我對呢個家鄉都建立咗唔少感情。 而且我本身係一個好重感情嘅人 ， 我想像到將來嘅自己每一日都會好掛住香港嘅同學、朋友、親戚。 身邊好多朋友都安慰我: 「 唔好咁灰啦，將來一定有機會返香港!」 但老實講，我覺得呢個世界冇咁簡單。 過去嗰幾十年，如果你移咗民，只要一有時間，就可以好自由咁返香港。 但今時今日，香港社會同國際形勢都已經變咗好多，將來有一日，香港人好大機會會失去出入境自由， 而且香港政府根本乜都做得出， 所以真係好驚今次走咗，就以後都再返唔到嚟。( 今時今日可能淨係民主派等社運人士先係咁， 但而家香港嘅情況越嚟越差 ，終有一日，可能係連普通嘅香港市民都要咁樣。) 所以而家真係好灰，因為雖然一定要走，但要做定心理準備短時間內返唔到嚟。但冇辦法啦，為咗屋企兩老，同埋為咗自己將來嘅下一代，無論如何都要走……sorry for 1999😪 睇緊呢個post嘅任何一位香港人，希望你將來無論身處哪方，都要努力生活❤
圖Link: https://ibb.co/0jSdCq0