#NSS家庭
[GUEST] (中文差勿怪
真係好憎我阿媽
佢食嘢成豬咁，講嘢又大聲，乜都唔識乜都要我做，唔識煮飯（煎蛋都可以變黑炭）唔識洗3，又勁似綠茶，成鬼日笛聲笛氣，講明先，佢係對住陌生人同我就係咁，好嘔心，又成日話自已細個乜乜好乖唔使阿婆俾任何錢佢，又唔會扭雞，或者係訴苦話自已以前連一隻公仔都冇，你有咁多嘢算好，所以乜都唔俾我lor，呢都都算，唔太關我事。
佢真係勁old，思想勁老土，有時問佢飯用錢佢俾咗50蚊我，仲係要去商場食嗰隻，真係好心佢而家一個餐都5x/6x咁，咪唯有日日食M記，我就同佢講可唔可以俾多d（因為我平時係飯錢當零用錢，簡單嚟我每次收入係負），食飯only我應該未破產，因為之前有偷定d利是錢，但係有時學校交費佢叫我用住自已錢先，然後俾完就沒嘢還，學校d費用都唔少，真係唔掂。有次仲搞到用佢俾嘅飯錢交費然後冇飯食，最後仲要老師資咗勁唔好意思。。。
我喺屋企唔太開心，最開心嘅時侯就係出街見下d frd，佢又唔俾我出街乜滯，佢覺得初中生唔應該約朋友去玩，問題係而家d小五小六都約la，次次想約人都要搞個半年，搞到要喊住同佢論理先扮同情我話俾我一次，d frd連講都唔使講就可以，點解我就咁？？？
最好就係佢考試考得好話會俾我一個願望，連生日都沒呢樣嘢嘅我梗係想要願望la，所以我成日通宵温，温完la，憑自已努力考到好嘅名次，咁ok la佢話肯俾，然後佢同我講你想我請你食杯雪糕定係飲珍奶，我嗰一刻真係覺得好無語，我只係我想同frd出一次街，我根本唔想要物質嘅嘢，我想要同frd一齊，就只係同frd一齊。。。又係要同佢噪一餐先得，又係不歡而散，其實我都唔想㗎。。。真係有d自卑點解我咁努力先可以得到一個平凡嘅願望，而人地講兩句就可以？？:(((
我想家庭關係好d，都想約多d同朋友熟d，唔通兩樣嘢無法平衡？？？不過我都算好，起碼我可以返學同返教會，喺嗰兩個地方我先係最開心，我寧願唔要假期。