#NSS社會
[GUEST] 相信咁多位經歷過721 831都會知道黨鐵係大仆街！呢排黨鐵又開始咗“ 屯馬綫全綫列車測試 ”，可謂嚴重滋擾附近民居！本身我都想附上一張我影到黨鐵維修嘅相，但係會透露咗住址，所以惟有形容畀大家聽啦。事先聲明！我係用一個受滋擾嘅角度寫以下嘅事，所以只係一個個人嘅情感抒發！請細力啲鬧。首先我哋嚟睇下黨鐵起自己網站所講嘅嘢：
“屯馬綫全綫列車測試
屯馬綫全綫已進入試營運的最後階段，港鐵公司將模擬通車後的行車模式，進行全綫列車測試，為屯馬綫全綫開通順利運行做好準備。為確保現有列車服務不受影響，測試將於列車正常營運時間後，即凌晨時段進行。我們會盡量將測試時發出的聲音減至最低，但可能仍會影響部分鐵路鄰近居民。就此，港鐵公司深表歉意，敬請各位原諒。”
針對呢一段，黨鐵就話佢會減低噪音，但係作為一個附近嘅居民，我覺得黨鐵只係意見接受，態度照舊。
先講番黨鐵都無法控制嘅噪音，工程車每晚都會駛到維修嘅地方，煞車嘅時候造成嘅噪音真係無法控制。呢點我都明白，但係其他嘅噪音都係人為。至於人為噪音嘅方面，由一開頭嘅幾個維修人員，到後期一大班人圍觀幾個人做嘢。甚至係故意製造噪音，例如將士巴拿扔向地面、拆除舊零件之後用力扔向遠處……有時仲會聽到啲維修人員大聲吹水。
我係嗰種好大聲都叫唔醒嘅人，但係黨鐵嘅 “屯馬綫全綫列車測試 ”令我起一個夜晚入面不斷畀噪音嘈醒，睡眠質素好差！(接下嚟唔係好關黨鐵事，由於黨鐵維修時間係到凌晨4點左右，而嗰隻煩到癡線嘅雀就係4點準時叫!!!!!!!!真係完全冇覺好訓)
除咗有噪音滋擾，黨鐵維修嘅時候係開曬路軌啲燈，就算9拉咗深色窗簾，啲光都照到入嚟。黨鐵嗰種路軌嘅燈係非常刺眼，而且仲要開曬所有燈，除咗有光汙染，仲擾亂曬附近居民作息。
所謂嘅預期通車一拖再拖，工程越做越多，越嚟越影響附近市民！最唔滿意黨鐵年年加價，但係服務質素每況越下！成日壞呢樣壞嗰樣！連家中嘅藍絲都頂唔順。做錯嘅唔係任何一架火車或工程車，而係黨鐵嗰班高層！ 真係越講越嬲。希望多啲人可以關注下呢件事啦，唉… 香港人共勉之。
thx for 睇曬篇文
sor for 1999