#NSS愛情
[Guest] 大家好，小妹依家中四，拍過一次拖(4, 5 個月)
小六升中一嗰陣俾一個大我半年嘅舞團男仔簡稱A表白。但係我個陣太細，未識處理感情事，就話lift到啦緩解尷尬。因為我地排練係一星期一次，加上吾同校，就無乜交流（ig有互fol）。
但係每逢舞團有表演，成班人企哂係後台，佢地frd就開始撮合我地兩個，話我地好襯。
去到中二我鐘意左前男友簡稱B, 個陣我起勁甘追佢 （3年同班加同校）。日對夜對日久生情，最後我同B表白，B考慮左幾日後應承左我，有行街睇戲。但係因為疫情影響，B屋企人唔俾B出街，加上我地係又同學跳上戀人身份，無乜共同話題，中四又唔同班。連我生日都要wts問我幾次，同埋諗返佢以前同幾個女仔曖昧過。所以我上年同B講分手。
因為疫情我地舞團2020都停左全年排練，去到今年1月先開始練返。見到A仲係團到先知原來佢先係陪得我最耐嗰個，成件事已經過左4年。雖然我唔係好熟A，但係A成日都係團嘅開心果，又係 lead dancer，令我開始敬佩A。我開始問A啲frd佢生日，星座，學校，讀咩科…想去了解下佢。就算依家都有對同眼，笑場個陣都會第一時間望住對方，但係真係超少交流。我唔想我對A好似B咁突然表白，然後又唔了解最後分手。我想同A傾多啲計，ig story 都出多幾個。
我驚我主動會嚇親A，但係A幾年前同我表白過。我應該佛係啲定主動搵佢好？希望大家俾下意見😭🙇♀️