#NSS愛情
[白痴讀的學校，你很白目] 最近睇咗《刻在我心底的名字》
略有感觸
其實四年前我已經開始有諗過自己會唔會係les或者bi，因為嗰陣好似鍾意咗自己嘅朋友，當時唯一一個對我好嘅人
你有好多朋友。我鐘意你嘅原因，或者係你嘅一切？感覺你做d咩，對我嚟講，都係可愛嘅…至於幾時開始，我都唔係好清楚…
我淨係知道，中一完左之後嘅每年，我地都慢慢疏遠緊，可能係因為唔同班，可能因為無共同話題，可能因為我怕被人歧視，之後就唔夠膽再接近你，慢慢我地變成兩個世界嘅人。
其實我地之後都仲有聯絡，喺功課方面，但係久而久之，你每次唔想做功課就叫我幫你做，我個friend同我講你根本就係利用緊我…後嚟我話我唔得閒幫你，你就幾乎無搵我咯，再加上我個幾個朋友開始覺得我鐘意你，佢地恐同㗎…反正我唔會直接同你講，唯有放棄同你聯絡，我地慢慢疏遠
一直以來無同你講，係因為我怕會真正同你連朋友都無得做，事到如今，我同你嘅關係已經得翻同學兩個字啦。我地之間嘅聯繫，就只剩底三堂（唔係三科，係三堂：唔夠180分鐘）同埋一份project。
每日見住你同你班friend攬嚟攬去，覺得自己好好笑，想講啲嘢，但我都知，我無權干涉。
最近兩年，我地學校越來越多les嘅cp崛起，好似都無咩非議，我可能有少少後悔自己當初唔肯承認自己鐘意你，但我又幾慶幸自己可以以一個同你點頭之交嘅名義生活落去。
我宜家唯一嘅願望就係我可以喺退學之前同你做翻普通朋友，就好似《永遠的第一名》裡面男主嘅想法咁，你咁鍾意睇bl，一定有睇e齣，實明。但係我都知道，我四周嘅時況，不論社會定家庭，都唔接受同性戀，甚至連你都接受唔到自己同同性一齊，可能會一直隱瞞落去，或者，退學先同你講？
至於關《刻在我心底的名字咩事》？
無，我以前覺得如果我係男仔就好，可以追你，但係係我宜家有覺得如果我地兩個都係男仔，我至少可以透過某啲症狀大概估到你我嘅感覺（各位男士，如果冒犯到你哋，對唔住），而且感覺現時社會對gay嘅接受程度都大過les好多…同埋我始終都係後悔自己以前唔夠膽講我鐘意你（雖然宜家都仲係淆緊底）
ending部分：
我之前寫嘅劇本其實係送俾你㗎…結果，俾人攞咗去同你喺班度做咗嗰生硬嘅演出。
感覺劇本裡面嘅內容，多年之後會喺你我身上發生。
btw，有無人知道有咩gay/les/bi test，不過好似無用哦吼？畢竟，我宜家嘅朋友都恐同，我又一直扮直，俾佢地發現我真係鐘意女仔肯定會同我絕交，我屋企人都一定會帶我去辟邪…
sorry for 1999
thanks for reading
and
iru zkr L oryh,
L oryh brx