#NSS個人
[lst] 01年，我細個個陣，仲係算係有沙藤嘅年代。好細個個陣老豆就對我好差。以下全部都係童年嘅事：
1.例如我小學10歲左右，親戚同我溫書個陣，我有時都會溫到發脾氣，佢試過係房衝出黎一嘢踢落我度同用三支沙藤fit落我度再撕爛我本書。
2.佢叫我攞電話比佢，但我搵唔到，佢丟曬我啲嘢出街。
3.無啦啦食食下飯話要打我，我笑笑口話：hiu～。然後佢就攞住沙藤追住我黎打。
4.小學三年級數學考到七十幾分，佢覺得好低，80都冇，所以超大聲鬧我，打我。然後到下次又係七十幾分個陣，我比阿媽逼我同佢講，我喊曬口好驚咁講個陣，佢先至係啤住我然後冇講嘢
5.我唔鍾意彈琴，佢就係我後面攞住沙藤逼我彈，我一唔彈或者彈極都唔好就會打我。
（我係分隔線）
*每次用藤條打都係*發發*聲，每次打完都會腫幾日*
細細個面對左咁多嘢，其實我依家都應該有好嚴重後遺症，每次人地鬧我/大聲鬧我少少，我個心就會跳得好快，完全講唔到嘢，就算我會講到嘢我都會即刻喊，唔識反駁人地。係就算人地話我坐關愛座我都唔識點駁番人（明明個陣係空車），仲有表達能力極差，可能細個每次講嘢都係比人話駁嘴，或者每次解釋都係打落黎，所以導致咁。
依家大個左，每次比人無啦啦鬧個陣我都覺得好蝕底，明明我可以話番人，我先係有道理果個，我就偏偏咩都講唔到，淨係心跳勁快又喊住咁講嘢1999，遮係例如俾人侮辱話臭x個陣我都唔知點答，淨係係度喊跟住又係講嘢冇曬邏輯。每次有咁嘅事之後，我都好想下次可以挺起胸膛理直氣壯咁同人講道理，但每次嘅下次我都係一樣，我都係做唔到。
我依家已經唔細，我唔想再係咁，一比人大聲兇多幾句就喊，我好想知有冇人同我一樣，你地係點改變，同有冇咩建議比我。
多謝你地睇到呢度，我知我真係講嘢1999，真係好對唔住，我已經盡力…