#NSS社會
[guest] 純發洩,屌細力啲🙇🏻♀️。
是咁的,小妹上星期就整親腰+腳,就行路要慢少少,每行一步都好痛,同埋坐低起身要搵野扶住先得。
整親之後一日,放學後突然好肚痛,就去咗公園嘅公廁la,我同男朋友一齊,佢就擔心我自己去有可能會踩到水後跣低,或者會起唔返身,所以就陪我去殘廁la,入咗去2分鐘後,突然有個大媽拍門話：「咁耐ga！得未呀！老人家要去廁所！」咁我就答佢：「唔好意思呀！我好肚痛,要多一陣,附近有另一個殘廁,你好急嘅話可以去嗰度。」之後過咗40秒左右佢又拍門講：「好心你後生女就去返普通廁所,唔好霸住個殘廁啦！」之後我就嬲嬲地心諗：你唔知人哋咩情況就唔好亂鬧人,我都唔想去殘廁ga,但我有需要……我就話：「去廁所就係要等,唔係老人家就唔使等㗎！」之後佢更加惡咁講：「你好快啲出嚟,唔係嘅話我報警㗎」咁我唔想煩就同佢講ok之後就走,出到去佢就話：「你哋一男一女喺個殘廁度做咩？咁樣係犯法！知唔知殘廁唔係畀你哋咁用？你哋住喺邊？我要同你哋屋企人講。同埋我會通知你哋學校。」點解啲廢老可以咁樣🌝🌝
最後我冇理佢就走咗,嗰下好嬲行得好大力,結果搞到而家傷勢更加嚴重😢我去廁所都未去完就走咗,之後仲要特登行多段路去商場廁所。而家見到殘廁唔單止唔敢去,見到就已經好驚(個大媽真心恐怖🤧)
同朋友講開發現身邊有2,3個朋友都有類似經歷😅其中一個好誇張,佢當時隻腳包住石膏,朋友陪佢一齊,點知一開門口就畀個阿嬸話佢喺廁所玩霸住個廁所,問佢點解攞住拐杖行到都唔去返普通廁所😬,我就諗點解而家社會上會有啲咁嘅人😅