#NSS其他
[北區某中學] 希望可以睇完全文再黎評論🙏
長文，介意勿入
是咁的，小妹係前幾日投稿問 ‘男仔係唔係見一個愛一個‘ 既投稿人。我都好認真咁睇返d comment，咁係呢到我覺得有必要解釋一下。
1.標題寫既 ‘男仔係唔係見一個 愛一個’ 係提問黎既，而唔係想講 ‘男仔真係見一個愛一個喇’ ，我想問既係，會唔會見一個愛一個，而唔係想表達男仔都係咁。
2.我要同各位男仔say sorry先，因為我本身文筆唔係太好，加上段時間知道左咽frd條仔偷食件事，成個人都幾震驚，喺唔係太冷靜既情況下投稿，所以導致寫左d唔尊重男仔既句子。
睇到comment都有人覺得我投稿既字唔尊重人，我都認既，但我絕對唔係覺得 每個男仔都係 見一個愛一個，我只係好奇男仔會唔會因為靚女 而抛棄自己女朋友（其實我想問既係呢個！）
3.都見到有人問我，‘講到壞男仔好多、覺得全天下男人都係渣男、講到個個男仔都用下半身諗嘢、咁好女仔有幾多？’
所以我要強調一下！其實我問既係，男仔會唔會見到靚女 就會抛棄自己女朋友？係提問黎㗎，唔係陳述句🙏，我係因為唔了解所以先黎問，而唔係想表達男仔都好衰 （我都知我上面已經講左一次，但防止有人唔清楚我講緊乜，所以想強調多一次）
4.最後喇，個post出左黎之後，我有重新望返自己寫既野同comment，我都意識到最後一句 ‘提問無針對性別，男女都一樣’ 表達方式唔太好，亦有人誤會左呢句既意思。
有人覺得我講左等於冇講，但我都係澄清返先，我寫呢句既目的，係解釋返我問既 其實唔單止係‘男仔會唔會見到靚女 就拋棄自己女朋友’ ，我亦都好奇女仔會唔會咁，之所以我問男仔會唔會咁，係因為我frd條仔做既事，
（可能有人想問，樓主都係女仔，點解會唔清楚？ 其實我屋企管得幾嚴，以往有互相鍾意既男仔，都唔敢一齊，所以我都唔清楚）
btw，有時我都會見到d post，話全部女仔都係點點點，我見到都會見到唔舒服，所以我明白 我既投稿會令睇到既男仔覺得唔舒服，先特登出黎解釋，希望各位可以仔細睇完篇文再評價。
至於有d人其實根本冇睇完篇文，見到個標題就直接屌人，自問個post 我都係心平氣和咁提問，如果真誠提問都會俾人鬧，咁淨可以講網路縱容左惡劣行為，不過見到大部分人 都理性咁俾意見，多謝你地！都係互相尊重啦🙇🏻♀️
sorry for1999
已經好認真咁解釋，勿屌