#NSS家庭
[GUEST] admin請po ig，唔該曬你地
請問一個人控制唔到自己情緒同有暴力行為係有咩病？小妹今年f3我妹f1，我妹佢成日都因為好細好細既事情發脾氣，例如風扇開唔到，佢永遠都唔會冷靜咁搵下問題既源頭，淨係識大叫。除此之外，佢仲會成日打我，但我其實冇做任何野。可能有人問我點解唔反擊，係因為我本身身體唔係幾好，打唔過。最近佢呢種行為越來越嚴重，有時上online lesson開Cam嗰陣我媽行過去少少或者同佢講句野佢就會發曬癲。我媽忍唔住um佢幾句，佢就瘋狂大叫唔講野，拍枱，拍凳。有時佢有野想講，佢都唔會直接用言語表達出來，係選擇大叫。我媽同啊爸都覺得佢可能精神上有d問題，我亦都有喺網上查過資料，但都係唔係好清楚。請問佢呢種行為正唔正常，需唔需要睇精神科醫生？佢成日都係咁真係好影響我日常生活，考試想溫書佢永遠喺度吵，叫都唔聽…