#NSS愛情
[Guest] 我應該點做Orz
認到我唔好係下面tag我唔該晒你( ；∀；)
小妹今年f3。係學校學會識咗個師兄，每次見佢都會覺得好幸福好開心(? 。咁最近學會活動搞多咗，所以一星期都會見兩三日咁。
其實係F1嗰陣已經知有呢個師兄。純粹因為成日係樓層撞到，覺得佢好有魅力(?)，就會留意佢。但因為嗰陣有鍾意嘅人，所以好肯定唔係鍾意佢。而其實入學會除咗對個學會活動有少少興趣之外，大部分原因都係因為想睇個師兄(追星心態咁)。
而上年因為武肺停課 冇乜係學校見面所以都差唔多唔記得有呢個人。
就今年加入咗學會，同個師兄相處時間多咗，就喺某次比佢教完之後對佢嘅感覺就好似過咗界咁(?)開始會成日都想見到佢，佢有時會留意到我有咩唔識再教我(雖然可能係我太廢)，真係覺得佢好好(;´༎ຶД༎ຶ`)。
有日佢叫我幫佢做啲嘢，我就咁開心咗全日。嗰日翻到去我有Dm佢，希望可以傾幾句？但佢就好官腔咁樣覆咗就算。去到第二日翻學撞到同佢打招呼，佢只係輕微點點頭，但我又咁樣開心咗半日..有時只係比佢讚一讚都會開心好耐
前排因為屋企有啲事情緒好唔穩定，喊完之後竟然好想佢係我隔離安慰我..想依靠佢嘅感覺
最近開始懷疑自己有少少鍾意咗佢？又覺得對方應該有察覺到自己，但見到佢對其他師姐/同學其實都係觀察得咁仔細同咁溫柔(?)嘅時候，覺得自己諗多咗。一諗到呢度就會係咁同自己講你唔係鍾意人地㗎，人地都冇理過你….之類嘅說話。(利申一段時間冇鍾意過人，每次一對人有少少心動都會同自己講呢啲說話令自己唔好鍾意佢(´；ω；｀))
我唔肯定自己對佢嘅感覺係點，但好肯定嘅係我好想同佢熟/有接觸，想了解下佢，未至於想同佢一齊。但佢比我嘅感覺只係師兄妹之間嘅普通接觸。
最好就係咁為咗佢煩惱咗咁多！覺得自己好蠢好浪費時間，有同身邊朋友傾過但好似得唔到咩答案(;´༎ຶД༎ຶ`)
所以想問兩樣嘢
1.其實我對個師兄嘅感覺算係點?
(我知係得我自己先知(;´༎ຶД༎ຶ`)但我想知你地嘅角度點睇)
2.要點樣先至可以同佢熟啲/傾多啲?
好多謝大家睇到呢度(;´༎ຶД༎ຶ`)
要好好休息見字坐直飲水錫住自己知唔知！
辛苦晒admin了！