#NSS個人
[Guest] 搏下今日要講嘅主角會唔會睇到呢篇文章:
我第一個中意嘅人
呢度想講下個人最近比較煩惱嘅感情事
我本身讀女校，較為多男仔嘅game fd（league of legends)
點解會玩呢隻game呢？
因為曾經都佢好中意玩（下簡稱為B)
B係一個有抑鬱嘅男仔，佢平時好大壓力咁，佢好難先會發自內心，好開心咁笑（連我都鮮少會聽到佢開心嘅笑聲）
20年7月頭左右我哋一齊入咗一個dc group識咗彼此，我哋已經好夾傾得埋，我一開始發現到小小蛛絲馬跡覺得B似乎中意我，我暗爽😹純粹覺得有人中意自己嘅話係幾開心嘅事，我以為我唔中意佢
去到幾個禮拜後我哋開始會鬧下交冷靜下（通常係佢嬲我）
經過一段時間，我發現我中意B，比佢中意我嘅嗰種中意更加深。我發現佢終於玩lol，我唔明有咩咁好玩，可以24小時discord status都係lol，我決定為咗佢而玩
我其實本身有玩下，但冇沉迷，直至見到佢咁中意打機先搵其他fd學打lol，結果到我沉迷嘅時候，B因為一d group內嘅不和唔開心到冇曬熱誠，加上每日都要返工，又要學結他，忙到冇曬時間，佢冇再打機
至少，我以為佢一直都係冇打機冇online
我同B亦知道咗雙方心意一樣（透過我哋嘅mutual friend）
我一開始知道佢都對我有意思，我開心到飛起，我超興奮，老實講我從來冇諗過要同佢拍拖，我只係希望：我中意你嘅同時，你都中意緊我
所以拍拖對我黎講唔代表d咩，但係中意呢樣嘢可以牽起我內心嘅興奮激動
但亦因為呢樣嘢，我地冷靜咗
嗰晚我哋喺discord group度連埋我哋嘅mutual fd一齊，B話一陣先落嚟，於是同我嘅另一個女仔fd喺上面傾偈，明明話純粹講一陣，但係就嗰一陣都要add d bot落去聽歌，重要搞好耐都未落嚟
到B終於落嚟，我聽到佢笑得好開心，開心真誠嘅笑聲
我suppose應該要鄧佢開心，但我笑唔出，對住我，我幾乎從未聽過你因我以笑得咁開心，對住佢，嗰小小嘅時間已經足以你笑成咁…
我呷醋，我唔抵得，我妒忌
後來我更加喺mutual fd嘅cap圖知道佢話：我中意佢但完全討厭佢嘅性格，我忍唔住了
呢一句說話，我同B冷戰咗好耐，我每晚都喊得犀利，我唔明，點解中意人但係會同時討厭…
後來和好嘅事我都驚大家悶了，總之就和好咗，但自從11月見面後，我哋就冇再傾偈了
雖然冇傾偈但都係fd，但最近我諗緊，一個以前咁中意打機嘅人，點會唔打機？我喺fd list入面search佢嘅名，冇😺
原來係del咗我fd呢，原來pv ac唔俾我fol，原來ig曾經block咗我，我發現太多heartbreaking嘅嘢
直至而家，我忘記唔到…過咗咁耐嘅事我仲係成日夢到B，夢到我哋一齊食飯一齊傾偈或者一齊call，冇任何曖昧嘅嘢，我哋只係喺夢入面純粹地吹水，我知道我仲掛住緊佢，畢竟係我人生入面第一個感受到咩叫中意嘅人
我有幾中意佢？
佢同fd打機，我聽住佢同唔係我嘅人講嘢，聽到佢玩fall guys玩到笑得超開心，我覺得好幸福，好開心，佢笑可能係我一日入面最幸運嘅事
佢俾fd hurt/佢同屋企人鬧交/佢有唔開心，我會唔開心到喊，我好討厭見到佢傷心
佢同屋企人炒得好甘去到自己走咗出去冷靜，我會好擔心，手震曬，擔心到喊，要問曬佢d fd知唔知佢去邊，我先安樂
我一切一切都俾佢影響住，我嘅情緒，生活習慣，所有都係因為佢
如今，我望到一個個根本以前冇fd個嘅人都同B約緊，我心諗：原來中意係咁脆弱，弱到我想同你講句嘢打場機都咁難…無論以前幾fd嘅中意，而家都係浮雲
釋懷唔到，我付出咗嘅中意，努力咗咁耐，都冇結果，我已經唔想同佢一齊，但，我好執著：點解我付出嘅嘢冇人睇到
其實故事中間有非常多嘢，驚大家悶，我又1999，唔打咁多了，有興趣知再講
Sorry for 1999,hope you all have an enjoyable day
{Ank}