#NSS其他
[[Guest]] Hihi 大家好。 最近就發生咗件事，想大家評評理， 如果睇完覺得我on9，都勞煩屌得細力啲😅
話說呢，小妹今年form3， 同一位同學最近就於佢暗戀某其他學校師兄有啲口舌之爭。 咁佢就同我哋一班frd（？？ （其實差唔多全班都知）講佢暗戀人啦，我哋就梗係起哄，又問人哋IG，又上網刮佢。 總之大家都講咗一排，可能因為咁佢覺得好煩，就突然好大聲咁叫我哋收聲。
我哋好明顯知道佢嬲啦，收咗把口架啦。但係， 我認為下， 你講得出嚟俾人聽，就要有呢個心理準備，你一係唔好講，講咗就要預咗人嘅閒言閒語。我就照直同佢講咗:
你講得出嚟俾人聽，就預咗俾人話。
咁佢咁回應我啦：
咁你收下把口咪得囉！
口，係生係人度嘅，你無可能要求人為你而收口。 係幾無同情心。但係，咁嘅經歷，我唔係無過， 我拍過拖，散過。同班frd講嗰時，佢哋咪又係咁講，面對呢啲嘢，一笑置之便可，唔通人哋真係對你個暗戀對象好有興趣咩。
係~講得多係會有啲煩，咁你都無嘢可以挽救㗎啦？ 如果你因為呢啲咁微不足道嘅輿論壓力而退縮，我對你呢個同為中三生嘅抗壓力同埋思考後果嘅能力抱有一定嘅懷疑。當然，每個人嘅能力都唔同，唔可以以自己把尺嚟度人哋， 純粹想你叫人收聲嗰時冷靜客氣啲啫，僅此。
我係有啲mean到佢嘅，我亦為此感到歉疚。如果你睇到呢篇嘢，又唔介意同我討論嘅，PM我呀！ 順便同你正式講聲對唔住。
多謝各位讀到呢度嘅各位，sor for 1999