#NSS愛情
[九龍城區學校] 好想有個機會可以親近下你（續集）
師生戀單戀
我係一個form4嘅女仔
A380 溝仔嘅野我都算識算唔錯
得閒就教下人咁 幫下人
但係從來冇人諗過我係溝呢個老師上面咁失敗
我喺兩年前鍾意咗個中文老師
我每日都好積極咁小息放學搵佢傾偈同佢聯絡
每日不斷搵話題
佢真係好有魅力
我對住佢完全發揮唔到平時嘅溝仔技巧
即是發揮到都唔係最好
我平時教人咁多野
但係自己係呢個阿Sir上面實踐唔到
有時都覺得好灰好自卑
而家都差唔多兩年 仲係溝唔到佢
後來我識到個frd 佢溝仔好叻 份人好醒
而且佢又肯幫我
的而且確幫咗我好多
促進咗好多感情
但係佢因為口疏
搞到近排成個教員室都知呢件事
有時路過都會聽到啲老師討論
啲老師望住我偷笑
我已經知道冇可能再溝佢
但係我真係好鍾意佢
依家好攰好想放棄
但係呢個阿Sir漸漸成為左我返學嘅動力
放棄咗嘅話我返學就冇晒精神
都唔知返黎為乜
因為我本身係一個鍾意同出面啲人玩
唔理學校野既人
直到識到佢先至搵到返學嘅動力
而家每一日返學嘅心情
都會因為溝佢嘅成績而改變
因為每日追佢 而家我都好攰
兼且近排因為呢單嘢傳咗出去
所以佢都對我冷淡左好多
我平時成日喺佢課室門口等佢
但係而家我已經冇晒動力
想放棄又唔想放棄
但係又好難抽離