#NSS學校
[[guest]] admin please post ig thanks!!!
［唔知算唔算長文、如果算嘅話就長文慎入啦］
大家好、今次第一次投稿, 有咩唔啱請多多體諒及包容。咁我今年就13歲讀中一、而我間學校都算係一間頗出名嘅名女校。我間中學亦有附屬小學, 但我唔係小學直升嘅, 外來生。
咁我都算係幾sociable, 啱啱升上中學都識咗幾位好朋友（5）、我哋出過一次街（去野餐）, 其中一個係我哋班嘅班長, 成績好叻,但佢份人真係好煩。佢成日都似住自己成績好似好叻咁, 又扮到人際關係好廣, 今日落小巴嗰陣佢同一個高form姐姐揮手, 我望一望想睇下係邊個, 佢就話：「唔洗望啦、你唔識㗎啦。」
最離譜係琴日我嗰班（我係廣東話教中文, 佢係普教中）要讀默, 佢朝早幫我同另外兩個同學默書, 去到真係中文堂嗰陣即刻改卷, 我另外兩個同學都得90分, 好彩我即時睇到我寫錯咗「眼睛」、變咗「眼精」。我諗住落堂之後搵佢講下（冇惡意, 純粹想串下佢冇幫我哋改啱, 令到我兩個朋友得90分）點知佢你直氣壯咁話：「吓、掛咩事呀！明明你自己喺屋企就應該溫好書、做咩返到嚟先搵啫。」
佢竟然一句對唔住都冇講。
但係最近佢喺我面前勁奇怪、我有少少懷疑佢鍾意我（利申：女女）
1. 話說我哋學校有個一年一度嘅節目、專被同學展示專長, 我就有畀佢同其他同我拉咗佢一齊表演, 搞到時見面嘅時間多咗。今朝佢喺學校同我哋講, 話佢想第二場騷兩個兩個手拖手出嚟（總共四人）, 佢話想同我一組, 當時其餘我哋三個都勁抗拒, 好彩最尾少數服從多數, 都係做一個一個出嚟算。
2. 由於我喺班房坐最後面, 佢哋成日都會親小息喺我張枱度傾偈、而佢就成日都藉啲以哄埋我度, 成日都同我對望、搞到我勁尷尬. 仲成日借啲嘢同我有身體接觸, 拉住我隻手周圍走。
3. 成日兩個兩個一組嘅group project都想同我一齊、、、話說CL堂我明明已經同咗另一個同學一齊, 但佢死都要同我一齊、搞到我好唔好意思, 尷尬死。。。
其實、、、我都唔清楚佢係咪真係鍾意我, 定係我諗多咗~ 希望徵求各位嘅意見。感謝睇到呢到嘅您！❣️❣️have a nice day! 🔥
(admin 辛苦了, 謝謝！）
14/5/2021 （希望可以快啲出hehe)