#NSS愛情
[禾輋某band1A中學] 第一次投稿求po😥😥長文sor for1999:
小弟今年f2,我中意左個一女仔好耐，簡稱C，但我好猶豫應唔應該表白，睇到呢度你哋實諗,肯定表白啦如果唔係冇機會。但事實有好多因素導致我唔知點算…
C細細粒，又靚女，又可愛，身材又好(但又話要減肥)，咩髮型都carry到，無論以前長頭髮到宜家剪短頭髮，有冇劉海都咁charming，唔係主觀而係身邊d男仔都覺。雖然C成唔係學霸，但C好多優點，好善良，又好愛小動物，唱歌，跳舞又好好，無論芭蕾舞中國舞現代舞定kpop都好好。而我，真係平平無奇，隨時街邊都揾到嘅男仔，又唔靚仔，又唔有錢，成績又唔突出…
其實，我有幾個friend都話對C有好感甚至中意，我分人就從來冇對d兄弟表示過d咩，而且我覺得好矛盾，一方面自己又唔成日主動揾C,但如果C同其他男仔傾計我又會呷醋…，佢多人追但唔係d收兵娘娘，從來唔會收男仔送嘅禮物，都唔會藉多人追而玩曖昧。但我好中意佢，會為佢傷心，開心，佢數學考得差而偷偷地喊我真系會好心痛,sor for 1999
C之前又被傳話另一個男仔同佢互相中意，又證明到佢好多人追，而且我甚至唔知C嘅性取向，因為佢同班入面一個幾靚嘅女學霸好close，簡稱N,,N公開過佢係bisexual(雙性戀)，N又成日同C一齊入廁所，又係group度閃，又成日學校當眾拖手，IGstory又成日po合照。然後C又同佢一個跳舞同學(H)好close(根據C嘅限時動態),佢話佢地改埋情侶IG名，又講過佢地會一齊換衫….我唔知佢會唔會係les，如果佢係，表白就會好尷尬而且冇意思。
我之前都問過C，有冇人同佢表白,佢話小學至呢年都有，但佢都低調咁拒絕，因為話唔想早拍拖。唉，到底應唔應該表白，或者我可以點做，我怕C拒絕甚至最後朋友都冇得做。我都想約佢出街，但d男仔話佢好難約，而且我好怕羞，有時佢唔online我會delete啱啱send想約佢嘅message，如果佢Online我又type完唔敢send…我到底應該點，每日心情都好煎熬啊啊啊。唉，打字好耐啦，求po,thanks admin!!!