#NSS家庭
[[GUEST]] 我好想喺度發洩下
微粗口注意
長文慎入
話說小妹有個姑媽，同我一齊住嘅，咁佢本身份人就好煩，平時關唔關佢事都要理，死都要加把口
仲有屋企啲嘢係佢負責，見到有時啲嘢唔齊又話我用哂唔同佢講，但明明唔關我事，係老豆老母用，同佢講左又繼續賴哂我。
有時我溫溫下書又突然衝入我間房話要執佢個櫃(佢用我間房個櫃擺雜物)，我同佢講我溫緊書又趕我出廳，一執就幾粒鐘，仲要搬哂啲嘢出廳擺喺梳化到，霸哂啲位
平時成日叫我溫書溫書，好啦我而家溫，你又喺度阻撚住哂，想點啊大佬
上堂返學本身都夠哂煩，之後仲要晚晚要對住你，真係好難頂，禮拜六日有時老豆老母返工，我同朋友出一出街又
同我講「做哂功課未，未就做，再唔係就溫書，唔好出去啦溫書仲好」
收皮啦 你自己一至五返五日工 禮拜六日都想休息下啦
平時又吹到自己讀書幾咁勁，結果我搵左條小六嘅數學題畀佢，自己唔識仲死口唔認話「我梗係識啦，不過想睇下你做唔做到咋嘛」
你小六數學都唔識又有咩資格話我成績差?
我阿嫲都係同我地佢，不過佢有啲類似認知障礙嘅問題，成日認錯人又亂掂屋企啲嘢，就激到佢好嬲啦，結果佢轉個頭就將佢啲怒氣發洩喺我身上，明明我乜都冇做到，又可以作一大堆嘢出嚟屈我
每分每秒都公主病發作，錯永遠唔認，仲賴落人地度，究竟要幾無腦幾智障幾白癡先可以當自己係王 覺得自己永遠是對的?
我真係唔明 我係呢間屋最細嗰個，唔通我就可以比人隨便屈 隨便鬧? 老豆老母都冇咁做 憑咩你可以咁啊? 你以為你邊個? 你只係屋企入面最討人厭嗰個咋
老豆老母同我都好憎你，對你嘅行為其實都好明顯啦，淨係想你收斂啲，唔好再無理取鬧姐，唔係好難睇得出㗎喎，唔通你係睇到都當睇唔到，得登煩我地?
新年其他人嚟拜年嗰陣又唔見你咁黑人憎? 扮哂好人咁款，講到自己幾好咁，冇外人喺度咪又係原形畢露。
有時覺得親戚真係仲衰過外人，永遠睇年齡去對待一個人(我屋企係咁)
如果你有睇到尾嘅 多謝你
我投稿只係想發洩下情緒，唔想再谷埋喺心入面
多謝admin