#NSS家庭
[Guest] 唔知有冇人都好似我咁多一個咁嘅老豆
但係我真係唔知可以點做
首先唔講其他嘢先
無論我有冇做錯都係我嘅錯
無論佢有冇做錯亦都係我做錯
我用手機同Laptop就係代表打機
喺間房度做功課同溫書耐少少都係打機
入房見到Laptop有少少未閂埋或者個畫面係Google新分頁亦都係打機
因為我讀Band 1中學不時都幾多功課
嗰啲多功課日子正常過咗十一點半左右都唔太有問題
但係佢就每五分鐘一個人肉鬧鐘
一路話幾時瞓呀
仲要一路喺度打喊路同喺度唔滿意
同咗佢講你可以就瞓先佢又唔肯
第二日又話我搞到佢好先遲有得瞓
做錯少少就喺度話我
有好多其實係小事佢話係好大件事
同佢講一句兩句佢就會話再講就cut晒我所有零用錢飯錢車錢
一鬧就鬧一兩個鐘
之後鬧到唔記得時間又係我錯
因為咁樣遲到又話我累到佢
成日喺其他親戚朋友面前就扮到下一個好老豆
仲要成日嫌三嫌四
我只要一有少少嘆氣就話我有咩資格搖頭嘆氣
有時真係溫書或者做功課做到好投入
佢走入嚟係咁喺度嘈
我話可唔可以等一陣先佢又話我鬧佢
我究竟可以點做
Sor for 1999