#NSS學校
[一間跑馬地嘅女校] 跑馬地女校最荒謬老師——學生去影班相無人上到去staff room拎簿，60歲以上H姓外籍女老師就向學生發爛渣。
事源就係呢位老師check過曬我地班嘅作業，一本作業都好厚下，於是佢分開左做四搭擺喺簿架上面，並喺朝早大約七點半嘅時候同我地班嘅同學講要上去簿架拎簿，據嗰位同學講嘅嘢，H姓老師淨係講左要去拎簿，並無提及過簿原來被佢分成四疊嘅呢回事。咁我地成班小息嘅時候就去左操場影班相，影完班相，盡責嘅科長自然就上左去拎一疊簿返課室，咁啱同H姓老師錯開左，H姓老師好炆咁去到我地班房又叫左5個同學上去拎簿。又咁啱嗰5位同學見到科長返嚟於是就冇上去拎簿，點知嗰啲簿其實只係一小部份嘅簿，但係小息已經完咗科長只能夠等到放學先去攞簿，然後上上下堂呢位老師就嚟我哋班打斷其他老師上堂，大家都知道簿未拎完但係唔明白點解佢要咁炆，小息拎唔切咪放學拎囉，於是科長喺free lesson嘅時候又上左去拎簿，結果H姓老師要求科長同埋佢差遣各位同學放學一齊上去搵佢。
放咗學之後嗰5個同學嘅其中一位就上去同呢位老師理論，H姓老師淨係話我哋唔去拎簿好不負責任，然後就對我哋可以上到去拎簿嘅時間有限呢個原因置之不理，完全唔聽我地嘅解釋，而且佢將啲將嗰四疊簿擺咗喺其他form嘅架上面。結果嗰位搵佢理論嘅同學比佢辱罵到喊，H姓老師指責呢位同學態度，禮貌有問題，試問我地一班以廣東話為母語嘅同學用英文向H姓老師解釋可以無禮得去邊呢？
都唔知究竟係呢位H姓老師人，思想，定年齡嘅問題，我地無從得知，但係我地作為無辜被佢鬧左一餐，仲要被污蔑做態度同禮貌有問題嘅一班同學，我地全班都忍無可忍，明明好小事，但係呢位老師偏偏要發曬爛渣，好似好驚其他老師同學無知道咁。
利申，呢位老師兩年前就被投訴過要求中一學生一日內完成90幾頁嘅英文作業，並且Google meet嘅時候開住cam都照樣食煙，呢位老師成日都拎我地班同其他班比較，咁唔好意思，我地都拎你同其他老師比較一下，真係油鹽不進，固不可徹，不可理喻。
其實成件事好雞毛蒜皮，只不過係一疊簿，但係我地所有同學都覺得好唔憤氣，去影班相所以拎唔到簿唔係我哋嘅錯，被莫名冤枉同辱罵好委屈，臨近考試週，大家都好緊繃，但係比H姓老師搞一搞，大家情緒都好低落，再一次提醒跑馬地女校全體同學，最好提防呢位H姓外籍女老師，比佢教真係三生無運。
sorry for 1999
pls po ig
感謝admin !