#NSS個人
[[GUEST]] 想請問大家有冇試過好驚異性？
我今年F.4，讀女校。小學時期畀一班男仔蝦咗足足三年，所以我好驚同齡男仔。我知道唔係每個男仔都好似蝦過我嘅男仔一樣咁衰，佢哋亦都唔會對我做啲乜嘢，但係我真係忍唔住會對身邊任何嘅男仔產生恐懼。
佢哋經過我身邊嘅時候，我會覺得好驚、好想去死，我會加快我嘅腳步去遠離佢哋；佢哋同我講嘢嘅時候，我會驚到腳軟，然後忍唔住喊咗出嚟，一直重複對唔住呢三個字。所以我平時會好少出街， 因為唔想影響到人。
我有試過同屋企人講過我嘅問題同小學比男仔蝦呢件事，但係佢哋笑我太想出pool先會搞成咁。佢哋仲話我好做作同埋有病，佢哋覺得我做咗啲好黑人憎嘅嘢，班男仔先會蝦我，同埋人哋男仔只係同我講幾句正常嘢就喺度扮喊，好核突。之後我再冇同我屋企人講過呢件事，我唔想勞煩到佢哋。
我知道自己有病，好核突。我真係好想去改，但係喺條街度見到咁多男仔，我真係好驚。每一次要經過男仔身邊嘅時候，我都覺得自己唔應該存在喺呢個世界上面，我嘅存在對佢哋造成視覺污染。
我有試過喺網上同男仔講嘢，我反而冇咁驚，但係會好緊張，可能因為大家都唔知道對方嘅真實面目？
想請問大家有咩辦法可以幫我解決呢個問題？勞煩到咁多位，唔好意思。
Sorry for 1999