#NSS個人
[GUEST] 小妹今年14 ,F2..第一次投稿,請多多指教
話說我喺度分享自己嘅秘密都係想個心情舒暢啲
我而家嘅事情maybe好多人都經歷過
我讀嘅係Band one中學，全級150幾人我排第50幾，老實講唔係好差，所以接下來嘅事情可以話係我犯賤⋯⋯
我呢排學業上嘅壓力爆煲，成日玩𠝹刀，攞本簿仔寫埋啲晦氣嘢，開始係咁亂諗嘢，好想脫離呢個世界但係又冇勇氣…我係咪好廢？
我成日俾無形嘅壓力自己，由小學頭幾名到依家中學五十幾六十幾名，我好唔甘心，我唔想阿爸阿媽失望，但係我盡咗力，成績都係唔係好ok，呢一排有啲事令到我對Bio好有興趣，下定決心要讀好書，F4選科可以揀到Bio！但係同師姐嘅談話入面得知F3係好L忙，應付唔到嘅話好大機會就會跌排名，我聽到呢度個心好亂，又俾緊無形嘅壓力自己(我真係好作賤⋯）我自己都意識到呢個問題，但係我就係唔知點解我改唔到
你哋可能會講:如果有壓力嘅話咪同啲好friend嘅朋友講囉，同人傾訴下咪得囉…但係我有另外一個問題就係冇真心friend。我由細到大都冇真心朋友，呢啲事好易睇得出，假設我同朋友要去一個地方，我可能攞漏咗啲嘢，攞完歸隊嘅時候就會發現佢哋冇等我，永遠都係要我主動去搵佢哋，冇人會主動同我傾偈…所以咪話我冇friend可以傾訴…我嘅父母亦都唔係對我咁好，成日偏心其他兄弟姊妹，我啲壓力真係冇辦法可以釋放
我呢個人仲要係冇一技之長，學鋼琴只不過係阿媽要求，係咪真嘅興趣我唔敢保證，我學業麻麻地，運動對於我呢個廢柴係不可觸及，我唯一叻嘅就係打機…唉
我啲壓力的積埋積埋一堆真係就嚟精神錯亂:/係好多方面我都係loser，真係勁唔開心😫唯有匿名投稿嚟發洩吓，亦希望可以尋求到一啲方法，俾大家負能量真係唔好意思
Sorry for 1999