#NSS個人
[[Lpsmc] ] Admin post ig pls
小妹呢排有d事好煩。
話說我有個frd就叫佢做C啦，佢呢份人我都唔識點講，當你同佢friend嘅時候佢就會對你好好，但係你一同佢反面，佢就會係咁詆毀你，脾氣仲要好大，成日都黑口黑面咁，不過我都真心當佢係frd嘅，我哋平時相處得亦都幾好，但係我唔知由幾時開始有啲驚得罪佢。
舉個例啦，我有一個同學，下稱 D。佢之前又係同C好frd嘅，但係因為有一次佢哋兩個反咗面， 咁C和開始不停喺ig度講呀D嘅壞話，連C周圍啲frd都幫佢講埋一份，不過好彩，D本身都有好多朋友，未至於話得返自己一個咁。C佢又成日喺ig度含沙射影咁鬧人，每一次我見到呢啲，就會好驚佢究竟係咪講緊我。
我自問我一路都以為朋友之間嘅相處應該係要舒舒服服，但係我而家同C就算係傾計都會驚幾時唔知講咗啲咩激嬲佢。更加重要嘅係我鍾意嘅人同C好frd，如果我同C真係反咗面嘅話，我可能會同我鍾意嘅人連朋友都冇得做。
我都知我而家都係背地裏喺度鬧緊C嘅壞話，但係要一直keep住同佢呢段關係真係有啲攰，請問我應該點做🥲
Sor for 1999