#NSS個人
[GUEST] 其實三個人嘅友誼係咪有一個一定要退出…
小妹今年F1 小學嗰時無咩frd
自己亦都唔中意同其他人講自己心底事
所以到咗中學就盡量去識多啲frd。
小妹喺中學識咗兩個frd 下稱K 同埋C
一開始我哋關係好好 好到連老師都知
之前小息我哋三個係一定要一齊嘅
但係最近開始就唔係咁。
我同C係最先識嘅
而K佢份人好靚好瘦 但C都覺得佢好驕傲
有時企係K嘅隔離我就感覺我自己就好似一個花樽咁
佢有時同我 & C曬佢有幾高分
我只係笑咗幾聲 而C就係度狂讚佢
有時同佢哋講嘢佢哋中意答就答 唔中意答就唔答。
我有個中意嘅人 K就話佢有啲討厭我中意個個
但唔知點解每一次佢都好刻意咁同我中意個個傾偈
或者係度曬佢同我中意個個關係有幾好
有時我同我中意個個傾幾佢
K & C就勁大聲講話「你係咪好開心呢」。
可能係我小氣 可能係我小題大做
我開始覺得呢段關係好似冇咗我都無咩所謂
如果我見到其中一個唔喺都就會等埋佢
但係佢哋兩個就完全唔係咁
有時小息 佢哋有佢哋行 佢哋有佢哋傾
完全當我透明咁 同佢哋溝通當聽唔到我講嘢咁
有時有啲嘢做或者行慢咗
佢哋都係唔等我 自己就走咗去
體育堂分組活動 佢哋有佢哋玩 完全無理我
佢哋有佢哋笑 我有我自己唔開心
放學都係自己走咗去 完全唔等我
本身同C傾緊或者行緊嗰時
只要K無啦啦插入嚟 C就會無視我
有時同C兩個會canteen佢就一定要等K
但係當佢哋一齊去canteen嗰時
就完全冇講過話要等我。
之前有個男仔係度話我肥
我以為K & C會話一話佢
但係我諗多咗 高估咗自己嘅地位
K & C佢哋兩個係同個個人一齊笑我肥。
經常性係度諗
橫掂我又樣衰又肥
如果我死咗咁咪好
如果我死咗佢哋會唔會關心我多啲
定係佢哋會更加開心。
多謝大家睇到呢度
我只係發洩吓 因為現實冇得同其他人講
如果想鬧我嘅話就鬧我啦
Admin 唔該曬
如果po咗IG嘅話麻煩曬你哋。