#NSS愛情
[九龍區某校] 話說小弟其實都同ex分開咗兩年左右。咁啱疫情因素下，有更加多嘅時間俾我放低ex。所以即使返返學，有少少面阻阻都可以訓練到自己唔老尷，夾硬要同ex講兩句都可以雲淡風輕。
原本都諗住可以相安無事啦。但後來ex同一個男仔勁close，而家知道佢哋一齊咗，啲同學係咁講佢哋好閃，仲係咁問我佢哋襯唔襯。因為我同ex係地下戀啦，所以我唔怪佢哋。但佢哋不停問我真係令我想發癲，因為我同ex係鬧交分，所以完全冇辦法笑住講佢哋好襯，甚至祝福佢哋。
所以我依家好疑惑自己係咪放低咗ex，定其實係一個正常情況？如果我真係未放低，我想知道點樣先可以放低？我希望至少可以喺表面上同同學講支持佢哋一齊，因為我唔想俾其他人傳我鐘意佢，我唔想阻住ex嘅幸福，我更加唔想搞屎上身。唔該大家幫幫手，諗下辦法。我知我好小學雞，麻煩大家指教。
Sor for 1999
Admin pls po ig thx