#NSS個人
[guest] 事情係咁，先同大家普及一下背景啦…小弟同一個女仔都幾frd嘅，佢係一個幾靚女又身材幾正嘅女仔，frd到係小學到中學仲keep in contact個種。咁一直以來都真係只當佢係朋友，大概係小六到中一階段先發現自己對佢原來有好感。（因為小升中，所以嗰陣冇點聯絡）咁我就又重新搵佢+同佢開始傾返計。
佢前排同我表左白，話佢對我有feel想試下，個下我真係開心+驚喜到彈左起身，咁我梗係應承左佢啦。一開始真係都幾開心。但係我同佢拍拖之後發現原來佢都幾多唔好嘢，又係成日搵我call又係成日send埋曬啲無聊message煩住我，當我打機嘅時候佢又無緣無故彈幾句message黎搵我，搞到我成日輸game…唔開心/開心又話要call真係好煩。因為以上種種原因，我同佢一齊大概兩個月左右之後我同佢提出左分左手，雖然佢的確對我好好，再係我提分手嘅時候都話如果佢有問題佢可以改，但我都好堅決分左手。
咁問題黎了，分手過左大概一兩個月。我最近好掛住佢 好想搵返佢傾計…發現冇左佢嘅生活好唔習慣…想請求下大家意見我應唔應該搵返佢復合，我覺得我可能仲係鍾意佢但依家又後悔…希望大家可以比啲建議小弟🙏🏻
sor for 1999