#NSS社會
[GUEST] 相信呢排好多人都成日見啲人玩抖音，真係覺得好嘔心。05 後嘅十個有八個都有玩，大家見到唔會好心痛咩，我哋嘅下一代全部都係玩大陸嘢，講普通話，買淘寶，大家抗爭咁耐，犧牲左咁多人，都係唔想香港唔好變成大陸，但係我哋嘅下一代就係咁將啲大陸嘢帶入香港，香港呢段時間發生過嘅嘢會唔會再同下一代講？
見到好多人而家都成日著jk服，其實著唔係問題，但係又係淘寶抖音買，著起嚟完全冇日本文化淨係見到抖音文化。但係著咩係佢哋嘅自由呀嘛，佢哋開心就可以，我都係希望大家唔好太支持大陸嘢姐，有幾多做幾多，明白有啲嘢避免唔到，但係jk服有正版，正版仲靚好多添，但係如果佢哋覺得淘寶嘅襯佢哋自己多啲嘅，我覺得大家都唔需要理佢哋。人人都有自己嘅諗法，人哋點諗我哋改變唔到，做好自己本份就夠。
跟住見到有啲0809 嘅喺ig po 啲有關六四嘅嘢，但係ig全部都係po 自己玩抖音。有啲就當係笑話。真係想問下佢哋，其實知唔知發生咩事，係咪覺得好好笑？自稱自己係黃，但係玩抖音。事到如今可唔可以生性啲。
知唔知香港比大陸統治會變成點，係咪想乜自由都冇，寫簡體字，講普通話。大家知會發生咩事啦，真係恐怖到想像唔到。香港嘅歷史慢慢會冇晒，冇繁體字，冇廣東話，冇民主，冇人知真假，大家忍心見到自己嘅屋企變成咁咩。啲大陸人講到自己國家有幾勁，但係一個二個自己去曬外國生活，講到自己國家咁好點解仲要走去其他國家？
我細佬今年中一，學校通識堂會播片教佢哋香港警察有幾正義，佢啲同學個個都玩抖音，王者，傳說等等嘅遊戲。唔明六四發生過咩事。睇到真係覺得好無助。
點解會發生呢啲事，同化曬。希望大家唔好忘記真正嘅歷史，將我哋嘅信念繼續傳落去比下一代。香港人加油。
sorry for 1999，寫得好亂，希望大家唔好介意。