#NSS愛情
[GUEST] 小妹f.2 諗咗好耐都唔知應唔應該投稿好，但真係好想有人可以屌醒我(大力啲都唔怕幾hurt都ok)
我哋一齊咗好短時間一直都好sweet❤️記得第一次攬攬嘅時候係喺學校圖書館，嗰種感覺真係好好，好想再次擁有但我知冇可能。小妹本身就係一個大醋桶，一齊嘅時候每次見到佢同其他女仔有講有笑，我就好呷醋!!! 呷醋嗰種感覺好辛苦但我又真係控制唔到😭
話說我哋分咗手…因為佢年尾要移民(或者再早啲同埋我哋都唔想 long d)佢話唔想喺我踩得更加深嘅時候先嚟hurt我，所以就喺呢幾日同咗我講。但其實個心真係好痛好痛，就好似撕裂咗咁樣，我控制唔到自己嘅淚水喺學校喊咗出嚟。呢幾日見到佢同啲女仔相處得更加好，我好呷醋但我好清楚已經冇呢種資格。好想再攬佢，好想再拖佢，好想再著佢件褸…但我知已經冇機會，我知佢好想我死心 但我真係控制唔到，每次喺佢隔離經過嘅時候仍然會心動，但佢就眼尾都唔望下我😭
短短呢三日入面我喊咗好多好多次，我為佢流過嘅淚水絕對比得上上一個ex(利申-同上個ex一齊咗七個月)亦都諗咗好多嘢，可能佢鐘意咗第二個?? 又可能佢早就想飛我只係搵一個靚啲嘅藉口??又或者可能佢只係衝動先表白??甚至可能係佢根本分唔到”好感”同”鍾意”??又或者係佢有其他苦衷??仲有好多好多😣
我知感情係冇得勉強，但我只係想同佢經歷更加多，唔想我哋之間有遺憾，我對住佢亦都放低曬所有女仔應有嘅矜持💢可惜佢唔悅納😭我個心真係好痛 好攰 我真係唔想再亂諗嘢喺度折磨自己💨但我控制唔到😑
-唔該請屌醒我
-可能有啲人已經知道我係邊個(勿篤爆感謝)
Thx admin～辛苦曬了～