#NSS個人
[[Guest]] Admin pls po ig thx， 篇文長咗啲，唔好意思😥
[Guest] 原來一切都係我自作多情
小妹今年F.1，原來所有嘢都係我自作多情，係我太過痴心妄想。 我以為主動啲，人哋就會主動搵返我。但係睇得出我既諗法似乎係多餘㗎，好多時候我主動搵佢哋講嘢 、一齊放學， 有時候我唔理佢哋就係想佢哋可以主動搵我，結果佢哋就一句嘢都唔再同我講，就算我行開咗佢哋都唔會留意到。但係我另一個frd有時唔講嘢我其餘嗰兩個frd就會追住佢不停逗佢開心，但對我就好似當我死咁樣。
咁好啦我唯有改變諗法，選擇同我班啲人多啲接觸睇下可唔可以識番幾個friend ，結果都係冇用。人哋根本就唔想同我玩，夾硬黐埋去人哋就只會覺得我喺度扮熟，反而更加唔鐘意我， 呢一點我自己都feel到。
咁我只好選擇同阿媽傾下，令自己心情冇咁差， 但我發現我諗多咗，同阿媽講只會換來佢一句：「 人哋性格咁隨和咁溫柔，你再望下你自己情緒咁唔穩定邊個會願意同你玩？」 但其實我想講我情緒咁唔穩定，都係因為佢搞到我咁。阿媽一時對我好，一時又好憎我，長時間都係呢種環境生活我情緒都可以唔波動就真係神奇。其實我都係想人安慰下我，鼓勵我，點解都咁困難？我同親人哋講人哋就話我怪人，係我自己問題，根本就唔關人哋事。呢一刻我先發現所有嘢都係我諗多咗，我高估咗自己係朋友心目中嘅地位😂
其實好多時候我都唔知我同佢哋嘅關係究竟係好朋友，定係抑或只係佢哋三個先係friend，而我就係凑人數？ 我真係唔明。。。
最後可能你哋睇到呢度都會覺得我係問題， 係我心態唔平衡先搞到冇乜朋友。 但我只係想講一句，凡事都唔好睇得自己咁重要， 有時你以為自己喺人哋心目中佔咗好高嘅地位，但其實呢啲都只係你諗返嚟。我投呢個稿都係發表下自己嘅意見， 各位要屌嘅唔該細力啲，thx
*sorry for 1999，文筆渣， 有啲九唔搭八，請原諒