#NSS其他
[[其乖懵書院]] (純粹分享同討論 不喜勿屌😢)
請問大家有冇發過好奇怪嘅夢，介唔介意分享下？
我大概喺一個月之前就開始發咗啲好怪嘅夢，都係一啲喺現實生活入面唔會發生嘅嘢。由於啲夢太古靈精怪，所以我喺半個月之前決定發咗怪夢之後用紙同筆紀錄返。
我總共紀錄咗兩個夢，以下將會介紹下啲夢係點怪法：
第一個夢喺商場入面發生，我唔係好記得我喺度做咩。之後出現咗一個阿嬸抱住一個大頭嬰兒，佢哋兩個都戴咗喺T*B會常見嘅透明口罩。阿嬸用住勁唔標準嘅廣東話問我“五巧醫師，Chan聞暖盒醫丸掂虛？Yin為禾地Kok陳左。”我喺夢入面居然聽得明佢話“唔好意思，請問聯合醫院點去？因為我哋確診咗。”我仲勁好人咁指咗條行去聯合醫院嘅路比佢哋。然後我醒咗，因為鬧鐘響咗，夠鐘返學。
第二個夢喺屋企發生，我帶咗一個同我差唔多年齡嘅男仔返屋企。我好肯定條友絕對唔係我識嘅人，因為睇番啲紀錄，我當初係咁樣形容嗰條友嘅樣：“好似好靚仔？作為同性嘅我喺夢入面好似有啲心動。”而現實係我身邊嘅人真心冇一個係靚仔，全部都係毒L樣，包括我自己。
嗰個人煮飯比我食，同我打機，大概就係做咗啲朋友之間會做嘅嘢。之後條友要走，我送佢去屋企門口，臨走前條友竟然問我可唔可以同佢打茄輪。最慘嘅係我居然應承咗🤦♂️，然後成個夢就發展到去一個我唔識形容嘅地步。
（題外話：我而家再望返我啲紀錄，完全唔知點解當初我可以心平氣和咁去記錄第二個夢，仲要寫得咁鬼死完整🤦♂️，我而家柒到想喊加懷疑緊人生。）
你哋覺得發呢啲怪夢係咪代表住某啲嘢？歡迎討論同分享。
我表達能力廢，Sorry for 1999。唔該哂Admin！