#NSS其他
[Guest] 大家好，小妹想知道其實係咪個個男仔都係咁小氣㗎？
首先係細個嗰陣同個男仔踢波，之後佢一個唔小心踩波車趴低左。嗰球係我踢嘅，所以佢就係度怪我又打我。咁我梗係打返佢轉頭㗎啦，點知佢話好痛就同我絕咗交。大佬明明你踩波車係你自己唔小心，又係你打我先嘅，憑乜嘢發嬲？
之後就係一個同學。佢俾一個女仔表白，但佢唔鍾意個女仔就拒絕咗。問題就係佢係背地裏係咁講個女仔樣衰，咁我自己都係一個女仔，明白佢唔會想人哋背後講佢。所以我就串番個同學，話佢自己都唔好得去邊。之後佢就勁嬲，仲要嬲足幾日，明明佢都係咁樣講人哋。
最後仲有一個原本都幾frd嘅男性朋友。佢有一排同另一個女仔好close，已經唔係朋友嘅親密程度。咁朋友之間梗係會講下笑㗎啦，就問佢幾時可以見到佢哋兩個拍拖。如果同嗰個女仔真係朋友，冇其他感情，最多咪話冇可能。但佢就發晒嬲，係咁叫我唔好亂講，我都唔知佢乜料。
所以，依家啲男仔點解咁小氣？