#NSS個人
[GUEST] 小妹學緊ballet 但因為裏面全部都係女仔所以搞到好是非……
就咁嘅，我ballet啲成績中上，算見得下人，學咗10年，唔知點解今年好似越學越唔開心，我喺ballet有個識咗好耐，勁friend嘅同學，我哋稱佢為A，佢跳舞全班第一，所以好多人想接近佢，但知道我喺度，都會讓一步，或者用其他方法，所以其實我同佢玩都幾安心，唔使驚佢有一日會離開我，但直至到有嗰個人加入……
嗰個人我哋稱佢為B，佢表面上就好單純，但真係好心機嘅…例如我同A企喺度傾緊計嘅時候，我同佢都癡得比較埋，應該隔咗幾cm，但嗰個B可以厚面皮咁一下插入中間，完全唔顧下我感受，咁我就好客氣好有禮貌咁同佢講你可唔可以同A調位，佢厚住面皮咁話，我係唔要呀，之後佢就若無其事咁繼續同A傾偈，我勁無語，頭幾次嗰個A仲會唔理佢，之後就越嚟越忽略我…
因為嗰個B嘅家長係同個老師仲有其他人嘅家長超熟，然後唔知幾時開始嗰個B成日約A，仲要當我同A傾緊計嘅時候特登拉走佢同佢講秘密，之後我喺WhatsApp問返A咩事，佢就以讀不回我，之後我過分緊張，走咗去問B，但嗰個B都已讀不回，好明顯佢哋兩個係夾埋，咁我就同A講晒我收埋咗係心裏面好耐嘅話，例如自從嗰個一插咗入嚟我哋嘅友誼之後你就點點點，我諗嗰個A係可憐我，將事實嘅真相同我講，佢話嗰個B想約佢去玩，但唔想俾我知，話唔想我去，之後我問佢點解要已讀不回我，佢話係B叫，真心無語…
但係我知我講咩都冇用，因為嗰個B嘅家長同其他人嘅家長熟，成日喺人哋家長面前讚佢個女，所以係全部人嘅家長眼中佢係一個乖乖女，佢成績的確好，但人品衰，仲R埋我唯一好friend嘅frd（唔知算唔算閨蜜）
所以我想請大家幫我諗吓辦法，我同A嘅友誼唔想因為佢而斷，因為呢件事，呢排我成日喊，A似乎而家將我同佢當同一個等級，我同佢friend左成10年，同一間幼稚園，但嗰個B呢？只係短短咁friend左3個月就已經咁…咁之後佢哋肯定更加friend…其實我唔介意三人友誼，因為我相信A，但我介意三人友誼嗰個係B佢，佢根本就係喺度挑撥離間，仲叫我點算…
Sor for1999🙏🏻(純粹想大家幫我諗辦法)我唔想轉學校跳舞，因為我真係好唔捨得呢班人，但係唔好叫我唔學，因為已經成10年🙏🏻