#NSS學業
[Guest] 小妹由細到大都俾阿媽迫要考課外試，例如樂器考試或者語文考試等等，每一年暑假都唔可以好輕鬆咁放，睇住人哋都過得好開心但自己日日都要被迫喺阿媽監督之下溫書。到咗今年佢逼我要考一個我好唔想考嘅語文試，自己都學咗好多耐但係好似冇乜進步過，有時都會自責自己點解溫咗咁耐但係一啲成績都冇，堂堂就係咁俾個老師串。每次我去問阿媽點解我一定要考呢個試，佢就會話「你食邊個，着邊個，有得你揀咩。」有時我知佢係為咗我嘅未來着想，但我真係好攰，有時都會諗點解做人會咁辛苦。想知道係咪嗰個阿媽都係會成日講呢句，小妹為咗考呢個試喊咗好多次而家好大壓力，好崩潰。