#NSS個人
[KYC] Admin post ig pls,，小弟今年中一，長文慎入
（注意‼️：以下涉及大量小學雞行為）
就係今個月嘅1號，我小息嘅時候我比人已玩吓嘅名義打/踢/勒住條頸/掌摑(由五月中開始，平均每兩個小息就用其中一個方式整一次，而家已經停咗)
但係喺呢一日嘅最後一個小息，由於某位同學講咗句：佢想溝你啊，結果俾人拍個頭四五下拍到我跌咗落地下先肯收手，(跟住嗰一個應該係我抵死)
因為俾人拍到跌咗落地下，搞到我條腰好痛，所以就好自然咁樣坐左起，張最近我嘅枱上面，結果比一個男同學好大力咁樣推左落地下，由於因為已經接觸到我嘅陰影所以我爆喊
我呢度講一講返我個陰影係咩先：咁喺小學四年級嗰陣，因為我當選咗班長，我嗰陣仲傻下傻下邊個做錯野我就宅低個名，結果唔使三個月，就比人改花名叫做ter狗/忠心嘅狗，俾人排斥，俾人打/推/收埋我啲嘢。
由於當時老師太蠢係同佢講都冇用
佢嘅做法：捉你出去問你，你有冇做到，只要你答冇你嘅嫌疑就會俾消除，老師就會同返你講係咪你自己整唔見呀！自此之後只要有人做返相同嘅行為，我就會爆喊
(我知我抵死)
回歸正傳，我被人推左落地下觸碰到我陰影，我就沖咗出去去男廁爆喊，因為我唔想俾人知我喊，所以我 就算打咗鐘都唔出去，加上啲同學搵緊我，當我以為出邊啲人走晒嘅時候我就出咗去，點知原來佢哋仲喺出邊，
仲俾推我嗰個攔住，因為我嗰陣個情緒真係好激動，所以就爆咗句：你唔好理我呀，(自此成為左幾個男同學嘅笑柄)，咁我之後就衝咗落去班房啦，點知俾經過嘅班主任發現咗，咁我因為一時激動爆曬佢哋平時對我嘅所作所為話哂比老師聽，
之後我返到屋企，同阿媽商量過，就請一日假,咁我6月3號嗰日都有返學嘅，咁嗰日小息嗰陣有幾個同學特登行埋黎同我講唔好喊啦(完全冇喊嘅意思囉嗰陣)
咁當日我就返屋企自言自語發洩吓啦，點知阿爸聽到仲答我，俾人笑咗正常啦，咁我咁鬧翻佢啦，之後鬧得好激烈嗰陣，佢一句
死乸型，成日同女仔傾電話，搞到我開始失控， 咁因為嗰陣我細佬都好喺我隔離啦，我老竇就同佢講，出嚟啦明知你阿哥神經病成日喺度發神經，乜成日同女仔傾電話就有罪，我俾人笑你同我講話正常？
去到今日，嗰班「好同學」都係要笑我，特登過嚟同我講：唔好喊啦，跟住嗰個拍我個頭嘅同學，成日一句彈埋嚟：唔好理我呀，前幾日佢仲同我講一個女仔都未喊，你喊乜嘢啊(佢用相同嘅方式整嗰個女仔)，乜原來男仔唔喊得㗎？😁
最後如果佢哋睇到呢篇文，我可以肯定佢第二日一定攞嚟笑我😊，因為已經唔係第一次，因為我投搞而笑我
我知道好多嘢都係我抵死
純粹發洩，sorry for 1999 ，不喜勿屌pls 🙇♂️🙇♂️