#NSS學校
[某男女中學] 唔知大家班入面有冇啲好煩嘅同學？我嗰個好煩嘅同學叫A
小妹今年f1, 間中學同小學同一區，所以有同班同學同我讀同一間學校，但係我哋中學唔同班，所以我要識過一班新嘅同學，我同A學期初坐得好遠，我冇同佢講過嘢
有一次調位之後，我坐佢隔離，我哋個位近窗，坐後面，嗰幾個位俾我哋成班稱為「頹位」，因為嗰幾個位喺老師枱前面，又靠後，老師基本上唔會睇到你喺櫃桶同埋枱上面做緊啲乜，堂堂都係你嘅free time, 因為咁，附近啲同學普遍上堂都唔會聽書，但係我係一個比較注重成績嘅人，所以我會喺屋企預習，返到學校就算俾人嘈住都唔會影響到成績。我同附近啲同學關係都幾好，每個小息都會一齊玩，但係我左邊嘅A就好煩，佢每一堂成日都會托我膊頭，撩我傾偈，坐得「頹位」我都預咗俾人撩玩，但係佢每次都講啲無聊嘢，我唔睬佢，佢又繼續拍我膊頭，我本身對數學有興趣，所以我每堂數學堂都會認真計數，但係佢成日都阻住我，真係好煩，你唔聽書，都唔好阻住我計數啦
呢樣都算，反正「頹位」啲人普遍都係咁，只係我附近啲同學上堂都好認真，但係A嘅性格真係好有問題囉。佢講嘢好大聲，但係喺堂上答老師問題又講到鬼咁細聲，小息嗰陣又嘈到會搞到人聾咁，我冇誇張，真係分分鐘會聾，佢會喺你耳邊大聲講無聊嘢/佢自己嘅嘢，都算，反正喺香港有言論自由，佢又唔係講粗口，但係同一樣嘢佢會重複n次，大佬我已經明喇，我都知道你講咩喇，唔使重複n次㗎，之後當你想走，佢又會夾硬叫你留低，繼續同你講同一樣嘢，喂我小息做啲咩係咪都要你管啊，你又唔係老師，有權咩？佢真係成個獨裁者咁
小息就當送俾佢，但係佢真係好鍾意鬧人，B同學係一個性格活潑，好鍾意撩人玩嘅樂天型男仔，平時鍾意講無聊嘢，我係當你唔想聽，唔睬佢嘅時候，佢就會停，雖然有時你會覺得佢有啲煩，但係好過A多多聲。佢小息鍾意喺白板寫吓無聊嘢，但係喺老師嚟之前都會自己擦返，所以值日生、其他同學同老師都由得佢。有一次值日生擦緊白板，A搶咗值日生手上嘅粉刷，開始擦白板，擦完之後，B喺白板寫咗啲嘢，A就好大聲咁鬧佢：「啱啱先擦完，你又寫，想點啊？」明明B每次都會自己擦返，你又唔係值日生，關你咩事呢？B喺小息鍾意寫嘢喺白板，有咩問題？值日生都冇出聲啦，幾時到你講嘢？同埋佢嘅音量真係分分鐘大過街市啲阿嬸，嘈死人咩
純粹發洩+分享
sorry for 1999
求admin post ig
thx admin