#NSS家庭
[GUEST] 小妹f.1，有個患老人癡呆嘅外公(簡稱 佢)屋企唔算有錢，我阿媽好關注佢哋，係一睇到佢鬧婆婆就連飯都食唔落嗰種。我舅父舅母呢？就從來都唔理嘅，仲覺得我吔小題大造，明明冇乜事。
我同公公婆婆分開住，咁佢未患病嘅時候脾氣已經好差，會無端端鬧人。前年，佢有一日突然喺街跌倒，之後唔知佢係跌親個腦定點，反正就係出院後覺得佢記性越黎越差，帶咗佢去睇醫生，就發現佢有老人癡呆。因為呢件事，我父母搵咗個工人去照顧佢同幫婆婆分擔工作，咁好好彩搵到個好好嘅工人，會主動用自己人工買材料整甜品畀婆婆食，又會同婆婆傾心事
佢有老人癡呆之後，成日鬧我婆婆，話冇畀飯佢食，搞到佢餓成日丶擺曬佢啲錢丶我哋唔返去陪佢(其實已經每個星期有返去食飯)丶呢度痛嗰度痛又唔帶佢睇醫生等。每次鬧都成一兩個鐘，婆婆脾氣超好，從來冇鬧返佢，但係咁樣日日畀人鬧，聖母都會唔開心啦…最大嘅問題係，佢日日都話要去睇醫生，日日洗幾百睇醫生，根本已經付擔唔起。
而點解唔一早送佢去老人院？一黎唔夠錢送佢去…而且我婆婆都唔捨得，更何況佢真係乞人憎到連老人院都唔會收。
因為呢件事，我屋企人冇開心過，無論我做咩，努力溫習，畀笑片佢哋睇，講下爛gag咁，佢哋冇理過我，連以前成日笑嘅婆婆都冇曬笑容。而我，網上又好現實世界都好，完全冇朋友，所以冇可能搵到人同我傾心事。
我到底應該點做先可以令屋企人開心啲，我真係唔知點算好…點都好，多謝你睇到呢度🙏🏻
Sor for 1999
Thx admin po ig 🙇🏻♀️