#NSS家庭
[GUEST] *長文*
我家姐有嚴重公主病。
係，我家姐真係有公主病，係末期嗰種。次次都幫佢搵嘢、做嘢、攞我黎鬧，我曾經問過佢「你係咪當我阿妹㗎？」佢話「梗係唔係啦，你係我工人黎㗎嘛」
（我地喺英國同阿爸分開咗）
佢好容易發脾氣，上次阿媽喺我地全家嘅group打電話，佢過咗一陣衝入黎我同阿媽間房鬧我地。「你做咩打電話啊？你知唔知你一個電話搞到我同（男朋友）cut咗線啊？其實我阿媽整係想打俾阿爸，但又唔識點打。
有陣時佢部手機就喺佢面前佢都要叫我攞。佢個人同部電話喺廳，我人就喺我間房，佢死都要我喺間房跑出黎幫佢攞。
我次次都要忍佢，但係佢次次都話自己大過我、喺呢個世界俾我生存多三年、冇佢冇我等等嘅句子去鬧返我轉頭。我知我係細妹，但我都有脾氣㗎。佢可以發脾氣，我就唔可以。我婆婆喺我地去英國之前叫我讓下家姐，佢又係用呢句鬧我。
我有陣時好心幫佢，都會俾佢鬧。我幫佢開部機，佢就話我好煩，我幫一幫你啫。我嗰陣真係好委屈，我好心幫你你鬧返我轉頭。
之前佢仲會打我，好大力打我個大髀，成個紅色嘅手印喺我個大髀度，佢都覺得自己冇錯。
其實我係咪前世得罪咗佢？點解我好似佢嘅抒發工具同埋工人多過阿妹？對自己個妹好少少係咪會死？我自己日日面對佢都唔想生存，真係好煩，我日日俾佢老點、無端端俾佢鬧，真係好攰。
如果你係哥哥或者家姐，希望你對你嘅細佬/妹好啲啦。
sor for 1999
如果有任何錯字 唔好意思