#NSS個人
[Guest] 我係一個中四學生
篇文可能有啲長 但呢啲都係我嘅真實感受
好多時候我都處於負面狀態下
最大原因其實係屋企人
佢哋好鍾意話為我好為我好
最鍾意講 俾我食俾我住我仲唔聽話
夠膽反抗就叫我自己出去賺錢養屋企
我直到中一先可以自己搭車返學
中三先可以同friend出街
佢哋成日都話我好唔聽話
其實我自問我雖然算唔上好乖
我都有試過反抗
但已經做齊佢哋嘅要求
冇肺炎嗰陣一兩個月先同friend出一次街
每次都要講好耐先比我去
次次都係去屋企附近
唔准喺出面食嘢
四點前要返屋企
到中三先開始自己學地鐵同埋巴士啲路線點樣搭
(我知都幾蠢)點樣轉車
到咗有肺炎我幾乎成年都喺屋企
冇出過去同friend玩
放學都即刻返屋企
但係遲少少返到都會俾佢哋鬧我出去玩
每次學校有講座同補課都唔比我去
更何況我真係好鍾意打波
想參加啲校隊活動呢
我話啲講座必須要去
佢就打電話返學校問係咪真
驚我自己跑出去玩
其實書記姐姐都勁無奈囉
講真好尷尬
我阿媽又成日唔鍾意俾我用好嘅嘢
雖然食嘢方面佢都有捨得俾我食啲貴嘢
但好多時候我阿爸如果買啲新嘢俾我
佢就會喺隔離鬧我阿爸同我
鬧點解比好野我
佢嗰啲鬧係尖叫咁樣鬧
我真係頂唔順 每一次我個頭都會好痛
話咩中學生唔應該有好既手機
或者其他乜乜物物
我一直都用緊五六年前佢哋嘅嗰啲舊機
但我已經好開心同滿足
至少有手機呀喂
但最唔可以令人忍受嘅就係
佢哋日日都喺度check我機
話就話係費事我誤交損友
但根本係八卦
啲friend係班group講粗口
到頭嚟竟然係我錯
哇 真係好笑
又唔係我講 竟然話我啲friend有問題
所以我都有問題 物以類聚
大佬呢個成語唔係咁用㗎
搞到我日日提心吊膽咁樣del紀錄
其實好唔想del 好多都係同friend啲回憶
明明係普通同女仔傾計冇粗口
都可以話我係les
更何況同男仔講一兩句嘢
屋企幾乎日日都會嗌交
翻過無數次嘅舊賬每次會俾人翻返出嚟
好似鬧交係為鬧而鬧
呢場毫無意義嘅戰爭
我都唯有唔出聲 比佢哋侮辱我點解唔去食屎
點解生我落嚟會折磨佢哋
點解我唔係好似細佬咁乖
真係好希望我死
仲會扯住我嚟打
但其實細佬成日跣我
特登扮跌親跟住話係我推佢
佢又夠膽鬧我阿媽同阿爸
話佢哋憑咩管佢
做好多我完全唔夠膽做既嘢
但我阿爸阿媽次次都唔會講佢
話佢仲細個 仲可以教
但係問題係你哋完全冇教過佢
所以細佬咪會一直唔聽話囉
怪得到邊個 咪我唔教好佢囉
身為家姐仲唔教好細佬😠
真係正垃圾 死廢柴
又唔係我生….真心無奈
呢個時候如果同佢地爭論
最終輸家永遠係我
雖然我係有friend
佢哋亦都對我好好
我好開心亦都好感恩
但每次佢哋約我既聚會
雖然我真係好想參與
我嘅參加次數真係少之又少
久而久之佢哋亦都開始唔會預我
講親出街都開始唔會同我一齊討論
雖然係好正常一件事情
但我始終都會有啲失望
我本身又唔係太識處理人際關係
或者可能身上面亦都冇乜特質可以令人
好想同我交朋友
所以就只可以望住佢哋越嚟越friend
我就唯有自己消化啲情緒
我亦都有一個男朋友
當然屋企人係唔知啦
係friend搭friend識既
跟住我住喺沙田
佢就住港島
因為我屋企人唔俾我出街
所以好少可以見面
佢對我好好
都有陪我傾電話
但我覺得唔夠囉
咁重點就係
同佢相處耐左 佢好似成日有嘢瞞住我
要我個IG ac 但我想要佢個ac又唔比我
話咩唔記得密碼….
根本就係有心同無心嘅問題
話要嚟見我又咁有心
比個IG ac就一直話唔得閒搞
跟住又成日好似講大話呃我….
俾我拆穿咗又sorry都唔講聲
淨係話我都係唔想你唔開心啫😞
搞到我真係冇安全感
雖然知道佢有付出到 可能係我自己太敏感
想擁有太多反而會有反效果
但究竟點樣先係正確
我好少嬲人
都係自己唔開心居多
佢有時因為啲奇怪嘢嬲
我連佢嬲乜都唔知😢
或者我自己覺得冇乜好嬲
又唔知點氹番佢
雖然好快會原諒我
但我已經因為唔知點解激嬲佢好唔開心
我成日個心情都比佢左右
可能你會講做人點解要咁卑微呢
但我真係唔知點做…好驚得罪人
因為呢啲經歷
我自己摸索到好多可以自己消化情緒嘅方法
都幾有用既
但係消化情緒嘅速度
永遠快唔過新嘅負面情緒既帶嚟
所以我始終都係成日好負面
整到自己成日頭痛 夜晚一個人好空虛
係度無啦啦喊 都唔知點解我會變成咁
點解會咁自卑 明明以前咁自信
答問題永遠第一個
有好多friend 攞獎攞到手軟
咦 而家變到咁垃圾 真係好對唔住以前嘅自己
喺學校好多人都話我好開朗
聽到好多人話我成日好樂觀
屋企人咁樣對我都可以接受到
但事實上我真係好痛苦
人哋可能冇心講一句嘢我都會好唔開心
社工都搵我幾多次
社工真心好好人
我好鍾意同佢傾計
但我唔想纏住佢
畢竟佢唔係得我一個學生需要搵人傾偈
所以我都等佢搵我先會將所有野抒發曬出嚟
我同人哋講心事
並唔係因為希望賣慘
我覺得我啲friend雖然都好同情我
但佢哋屋企人對佢哋咁好
佢哋都好似唔太理解我既心情
講完等於冇講
久而久之 我已經唔太會同人講我啲嘢
費事人哋覺得我煩
我唔係要屋企人完全唔管我
我係想要攞返一啲我身為人嘅權利
有陣時其實有人坐喺度肯聽我講嘢
我真係已經好滿足
我知道有好多野係可以靠自己改變
但佢哋都唔太理我成績
我成績屬於中上全級頭三十到
所以其實我考幾好都冇用
因為根本就唔係因為成績而鬧我！！
所以至少我宜家被屋企人控制住
所以我唯有聽佢地話
好多嘢我都身不由己
由頭到尾
我都係希望開心啲姐😳
最後我覺得離家出走 界手呢啲解決唔到問題
希望大家可以比啲比較實際嘅建議🤲🏻
如果以上三觀有啲問題
唔好鬧得太大力 呢度講聲Sorry
小妹中文唔好 Sorry for 1999！！