#NSS個人
[GUEST]
由於揾唔到適合嘅人傾，只可以喺度呻，唔好意思啊⋯😣🙏🏻
係咁嘅，差唔多呢一年時間嚟成日都會莫名唔開心同開心唔到，成日會有莫名嘅身體不適同想死嘅念頭(冇原因)而且控制唔到，覺得好辛苦所以揾咗社工幫手
雖然好痛苦，但我表面睇落去好似完全冇事咁，仲可以喺人哋面前開開心心咁傾計甚至玩，所以朋友同社工都覺得我冇咩事呱⋯同社工傾咗幾個月先轉介我去睇精神科，確診咗有情緒病都開始食藥
呢個先係正題)由於我朋友唔多，所以我只可以揾嗰幾個朋友傾訴，佢哋都講過有咩事可以揾佢哋傾。但我近排就發現我朋友有喺我背後講過我負面情緒太多，影響曬身邊嘅人跟埋我一齊唔開心而唔太鐘意我⋯所以我就自己主動同身邊嘅朋友斷開咗聯絡，唔想再影響到人，打算自己一個面對
我有諗過同社工傾，但社工可能太忙，或者唔想理我?)，會好耐先覆一個msg，就算唔msg想直接揾佢(由於我表面睇落去真係唔似有情緒病)話我有啲辛苦想自殺，都好似覺得我做唔出唔會有事咁⋯同時我又唔想再麻煩到人，所以宜家連社工都冇再揾
雖然我有keep住食藥，但好似一啲進展都冇，覺得自己永遠都好唔返。而且屋企人唔明，同時冇人可以傾訴，每一日都自己一個捱，覺得自己一個就嚟捱唔住，好難捱好痛苦，個腦已經自動幫我諗好咗要點自殺同幾時自殺，雖然我知道咁樣好不負責任，但我真係控制唔到🙏🏻
我唔知自己仲可以捱到幾耐，希望透過呢個投稿俾我發洩下我想講嘅嘢，俾自己唔好咁辛苦，努力再生存耐啲
而且有一個問題我想問好耐，
如果一個人因為情緒問題控制唔到而自殺
算唔算病逝 定係自己攞嚟⋯
(呢個問題有啲奇怪，但我想知你哋點諗😖)
最後真係好多謝大家睇到呢度，我講嘢可能唔係好順，希望各位見諒，同埋要你哋接收到唔少負面情緒真係萬分抱歉😣🙏🏻呢幾年嚟香港人都好辛苦，希望你哋可以保持快樂(雖然好難)，一齊加油🥲💪🏻我愛你哋