#NSS學業
[人填中學] 大家好，小妹今日f1，小學成績都幾好所以最後入到band1嘅中學。但係好景不常，我升到呢間中學之後成績變到好差，平均分都係41-51左右，全班尾四。一直都係呢個狀態，直到而家呢個最後一次考試都係咁樣。雖然我係有進步到(每科高10分)，但係依然有啲科都係唔合格。我好驚留級(平均分唔合格就留，不過而家仲未派成績表所以未知使唔使留)，真係可以驚到每次諗到都喊，驚到試過差啲走咗自殺，係真係差少少就跳咗落去，不過好彩朋友們陪我，所以我冇咁做（而家唔想死)。可能你哋會問點解我會驚留級。係因為我好驚同學/假朋友知道咗我留級會講我，我自問係一個好驚人哋講我嘅人，我試過唔理人哋講咩，但係我做唔到。而我亦都有諗過留級就轉校，但係如果轉嘅學校差過原本嗰間可能又會俾人講/笑我讀唔到走去轉。同埋我更加唔想辜負屋企人嘅期望。
其實我真係有認真讀書同溫書，我都覺得自己比起小學已經努力同用力好多，我每日有補習+操卷，自己返屋企都有溫，但係補習社嘅嘢簡單過學校所以我覺得冇咩用。我亦都好想讀好佢，但係每次考完試嘅挫敗感真係令我好攰。
但係最重點、最令我唔開心同埋我寫呢篇文嘅原因係因為我阿媽。我問佢我可唔可以出去同朋友食飯之後佢同我講：「唔去得啊！點解全班30個人係得你同埋另外嗰3條友咁差？點解你做唔到？你點解唔溫書？點解你咁垃圾？」佢仲話我唔讀書又日日出街學壞晒。。。其實我都想做好，我都想成績好，我都想知我點解唔得，但係我真係有努力㗎……點解唔信我……我真係好攰好攰，就快頂唔順……
最後想問下要點做阿媽先知我有努力？
admins plz po ig🥲
sor for 1999.