#NSS家庭
[Guest] Admin po IG plz (*´Д｀*)
小妹今年f2
啊嫲前兩個月開始叫我幫佢揼骨
佢係老人家亦係我長輩 佢攰佢有需要我當然盡佢意
一開始好聽話 乜都聽曬佢講
一兩次後就開始比要求
一定要一個禮拜兩次每次一粒鐘
當初都覺得冇問題 我搞得掂佢又開心咁
有次約咗frd出街返到嚟已經9點
未沖涼未食飯返到嚟就叫我入房揼
我有問可摸以延到聽日再加時
因為當刻真係好攰 加上未食飯未沖涼
佢一口話唔得 又死女包又廢柴唔守承諾
被迫要5mins內沖完涼飯都未食入房揼
有時問可唔可以休息一兩日咁又話唔得
幫佢揼骨真係比大家想像中辛苦
一定要熄燈佢趴底揼一個鐘 唔夠力就加時
冇得睇手機就咁坐喺度揼一個鐘
有時想去洗手間都唔得 真係好辛苦
佢唔係對我特別好 揼完就咁叫我出去
但係啊哥揼就有錢 可能半個鐘50蚊咁
就咁維持咗兩個月
起初都覺得還好 幫佢揼又冇壞
後尾會覺得其實為乜 佢咁冇耐性 態度咁差 唔識體諒我
反正我揼完又冇福利 咁佢繼續叫啊哥揼咪得囉？
(佢對啊哥真係好好 有乜好嘢都留比佢..)
一開始係自願幫佢揼
到依家已經唔想同佢溝通
驚見到佢就叫我幫佢揼
然後又要再喺呢個黑暗環境用盡力幫佢揼 流晒汗手紅晒咁出嚟
對佢開始有恐懼
屋企人知道呢件事 全家都反對我咁樣幫佢揼
叫我出聲同佢講 我有試過 第二日就唔理我
仲同其他親戚出去飲茶唱到我無地自容
又弱智低能脾氣差小器…
之後逐個親戚msg鬧我…
我唔明白 點解我要承受呢啲咁無謂嘅事
所以想嚟問下大家意見 究竟點算好..
有時睇到關於‘屋企老人家好煩’之類嘅post cm都會有人話
「依家聽多陣之後冇得聽㗎啦 珍惜啦」
我知道佢係我長輩 佢需要時我盡量滿足佢
但我真係唔想揼骨變成我‘責任’
Thx admin
Sorry for1999