#NSS家庭
[GUEST] 唔知大家有冇個老豆好似咁？
系咁的，咁我老豆就好似同其他人嘅老豆好唔同。就例如我老豆會教我講粗口，平時同我傾計個陣都會一路爆粗（佢尤其中意問候我老母(´-﹏-`；)）；同埋我老豆極其中意惡作劇！！成日趁我癱系梳化玩電話個陣特登行來我面前放屁（對住面放啊啊啊啊QAQ）；仲有就係佢真係！好！中意！趁我訓覺個陣！！！攞走！我攬住嘅公仔！！！！！搞到我睡眠質量直線下降！！！！！（因為我有個習慣就係一定要攬住公仔訓覺，如果唔係會訓唔好TAT）雖然呢啲野真係好小事，我忍下都算數，就當呢啲系日常嘅親子活動咁過。但系我真係有一樣野頂佢唔順，就係
佢每日！都要問我！幾時會再有天竺鼠車車睇！！
咁大家都知今年年頭天竺鼠車車呢套番就開播啦，我某次睇緊嘅時候就唔小心引起左我老豆嘅注意，於是自此之後每逢天竺鼠車車一更新我就會同老豆一齊睇。但系後尾天竺鼠車車播完之後就冇啦，而我老豆都系keep住每日問我一次“以後係咪真係冇天竺鼠車車睇啦？”。呢個時候我肯定系答冇嗮架！但我老豆好似唔記得我講過咁每日都keep住問我一次(´；ω；｀)我究竟要點先可以stop呢個死循環啊QVQ（呢個情況持續左有兩個月啦嗚嗚嗚嗚
多謝admin出po( ；∀；)