#NSS愛情
[Guest] 我鍾意咗個老師
小妹而家升f4 就喺揀科呢年 我發現自己鍾意咗其中一個教我嘅男老師 佢f1已經有教過我 但係嗰陣對佢都冇咩feel 今年f3佢又教我 到second term開始覺得佢雖然已經20尾 同我相差12年 但成日都好cute 好似小朋友咁😵💫同埋其實佢諗野好成熟 喺揀科方面我成日都去問佢意見 有時會傾下其他野 雖然我會覺得好似阻到佢咁 但佢都話覺得冇野 幫到我就好🥴我知我同佢唔會有可能 不過如果下年唔揀佢嗰科 就好難再見到佢 所以就算佢教嗰科我冇特別大嘅興趣 連能力都只係喺中上 我最後都係揀咗佢嗰科 擺咗喺first choice 因為我平時星期六日冇得見佢 我都已經好掛住佢好想見佢🥲不負眾望 喺前幾日公佈揀科結果 我揀到佢嗰科 入咗佢嗰班 喺呢個時候我先覺得瀨野 好驚dse會因為呢科而炒晒 因為呢科真係好難好難 身邊又冇朋友讀 想搵frd一齊努力都唔得🥲身邊冇人知我鍾意呢個唔應該鍾意嘅人 連最close嘅frd都唔知 但我每日諗我鍾意佢呢件事就好辛苦 再加上要讀呢科三年（可能唔止）就更加辛苦 不過我真係好鍾意好鍾意好鍾意佢 淨係呢點已經可以抵消晒所有辛苦 依家放暑假先幾日 我已經好想見佢 有冇人可以喺「我鍾意咗老師」呢件事上面比啲意見我 麻煩晒🙏🏻🙏🏻