#NSS愛情
[guest] 大家好，篇投稿唔長如果可以既話求求大家可以比少少意見我，小妹喺感情上好迷惘，但冇乜朋友可以講
我有迴避型人格障礙。我同我男朋友都係初戀，佢同我表白之前，我一直都係當佢好朋友，佢條件非常好有唔少人鐘意，我係絕對配唔上，純粹欣賞佢。一個月前佢話想同我一齊，我當時覺得可笑，叫佢諗清楚，佢有好多更好既選擇，但佢非常堅定，於是就抱住試下既心態答應咗佢，因為我覺得佢了解我更多既話一定會離開我，如果唔係就當自己中頭獎啦
一齊之後，佢對我非常好，好關心我，幾乎每一刻都要知道我做緊乜，但正正因為呢一點，令我好大壓力，我需要大量既私人空間，佢同我相反，佢每一次搵我我都好想逃避，我努力改變自己配合佢，但我做唔到，我好少主動去搵佢，令佢覺得我唔需要佢。我開始意識到當初答應佢呢個決定係有幾自私，佢對我既愛係認真，佢為我付出好多，但我卻連佢唯一想要既嘢都比唔到佢，我覺得好對佢唔住。
我唔知可以點做，好似無論點我都會傷害到佢。我可能呢世都唔會再遇到一個咁既人，但可惜我唔配喺佢身邊