#NSS愛情
[GUEST] 一個男仔由今年3月開始同我friend到5月尾 由頭到尾都係男女閨蜜關係 通常都係講 對邊個有興趣嗰啲 但到左5月31號既時候 所有嘅嘢都改變左 嗰日夜晚凌晨5:00佢打比我 我嗰陣時仲未瞓就聽咗電話 之後佢就話 我同你講個秘密啊係我飲醉先會講 其實我鍾意你呀 我成日 日日聽住你喺度講其他男仔約你你知唔知我真係好辛苦 我嗰陣時冇乜信到佢 我就cut咗線叫佢快啲早啲瞓 到左下一日朝早佢就起咗身同我講 呢一切都係真嘅 佢嗰陣只係扮飲醉酒 所以借啲意講出嚟 佢嗰陣時一直唔知我會點樣諗 我就其實冇乜嘢點樣諗 純粹覺得唔知點解佢會無啦啦鍾意我 之後到咗下一日我就同佢講 就嚟兒童節我都好想食珍寶豬 原意係純粹講吓笑 但係到咗6月1號兒童節嗰日 佢真係買咗一桶超大嘅珍寶豬俾我 應該都唔平 佢嗰陣時叫我出去攞 嗰陣時係第一次見面 我嗰陣時見到佢覺得自己對佢有啲好感 覺得佢真係對我好好 到左之後平時兩個人嘅日常都係 傾吓計講吓自己做緊咩 但係就冇乜曖昧嘅。到左6月中 我嗰陣時凌晨一點就唔開心 就同咗佢講想飲酒 嗰陣時佢都算係距離我屋企好遠 佢就特登落去附近買酒搭的士過咗嚟我屋企後樓梯（但係其實佢下一日要去好遠之後七點起身籃球比賽） 我就嗰陣時同佢飲到三點幾 就打咗俾另外一個男仔(可以稱佢為B我嗰陣時係鍾意佢嘅）我就set佢個名係🐖 就唔覺意俾我呢個男閨蜜睇到 B嗰陣時就聽到我電話入邊好醉 就Send message俾呢一個男閨蜜（佢哋互相認識嘅）問我喺邊 男閨蜜就講咗個地址 過咗一陣啦B就出現咗喺後樓梯 我一開眼就剩返佢喺度 男閨蜜就走咗。我知道B嚟係因為佢知道男閨蜜下一日朝早要比賽所以佢唔想我一個女仔太危險所以佢先過嚟 而唔係因為鍾意我 嗰陣時佢都喺後樓梯同我講咗好多拒絕嘅說話我都覺得冇乜嘢。到咗嗰陣時差唔多凌晨四點就出咗去第二度飲酒 四點半嗰陣男閨蜜突然間打俾我問我做乜出咗去？點解仲未返去知唔知好危險 我冇諗過佢係咁緊張我。我都係第一次俾人咁緊張住。之後到咗下一日男閨密大概就出咗好多個story去講自己唔開心啦 同埋我呃佢嗰啲。之後隔左冇耐佢亦都remove左private ac同埋冇再follow我 移除左我closefrd。喺呢一段時間入邊係一直冇聯絡。但我唔知點解做乜嘢事都會諗起佢 食糖都可以諗起佢當時送糖俾我嗰陣 朋友同我講起佢啲嘢 我就話我唔想知但我自己其實根本就係好在意。朋友同我call緊嗰陣就send左佢嘅story去飲酒我睇到佢影嗰張相對面有兩條女 我嗰陣時真係喊咗出嚟 我自己根本冇試過咁樣 我就扮到冇嘢咁樣話 我瞓覺早唞 我由七月頭開始就開始好掛住佢 好掛住同佢所做嘅一切 煲劇見到隻貓 就係咁諗自己如果將來同佢一齊養隻貓會唔會好幸福呢？佢會唔會好錫我同隻貓呢？再到咗近排佢突然間set返我密友 雖然我唔知道點解但我已經好開心 佢同我講嘢嗰陣冷淡咗好多 少咗好多字 少咗好多emoji 感覺完全唔同 我先知道原來我之前係令佢幾咁失望 佢先會咁樣對我 可能係風水輪流轉 我發覺自己真係好鍾意佢 佢做嘅乜嘢佢鋪嘅乜嘢都可以好影響到我 我唔知道佢突然間加返我係為咗啲乜野 我都覺得佢而家都唔鍾意我啦 如果鍾意一個人點會對一個人咁冷淡呢 我係咪應該唔好再抱咁多幻想？定係我應該拋下自己既所有面子去追番佢去主動返一次？因為我發覺 佢真係我遇過咁多個男仔入邊係我有事嗰陣最緊張我永遠都對我最好嗰個 即係我真係發覺自己好鍾意佢但係我已經覺得佢唔鍾意我。最後想知大家點樣睇呢件事同埋俾啲意見？🙏🏻